LIC Share Price: દેશની સૌથી મોટી સરકારી વીમા કંપની લાઈફ ઈન્સ્યોરન્સ કોર્પોરેશન (LIC) એ તેના લાખો શેરધારકોને મોટી ભેટ આપી છે. કંપનીએ 1:1 ના રેશિયોમાં બોનસ શેર જાહેર કરવાની જાહેરાત કરી છે. આ સમાચારની સીધી અસર 15 એપ્રિલના રોજ શેરબજારમાં જોવા મળી હતી, જ્યાં LIC ના શેરના ભાવમાં જોરદાર ઉછાળો નોંધાયો હતો. સવારે 11 વાગ્યાની આસપાસ કંપનીનો શેર 3.68% વધીને 834 રૂપિયા પર ટ્રેડ થઈ રહ્યો હતો.
LIC Share Price: LIC ના શેરધારકોની લાગી લોટરી! બોનસ શેરની જાહેરાતથી ભાવમાં મોટો ઉછાળો, જાણો રોકાણકારોને શું થશે ફાયદો
LIC એ તેના રોકાણકારો માટે 1:1 ના રેશિયોમાં બોનસ શેરની જાહેરાત કરી છે. બોર્ડની મંજૂરી બાદ શેરના ભાવમાં જોરદાર ઉછાળો જોવા મળ્યો છે. જાણો કઈ તારીખ સુધીમાં તમારા ખાતામાં આવશે શેર.
MoneyControl Newsઅપડેટેડ Apr 15, 2026 પર 12:13 PM
1 શેર પર મળશે 1 બોનસ શેર
LIC ના બોર્ડ ઓફ ડિરેક્ટર્સે 13 એપ્રિલના રોજ મળેલી બેઠકમાં બોનસ શેરના પ્રસ્તાવને મંજૂરી આપી દીધી છે. કંપનીના જણાવ્યા અનુસાર, જે રોકાણકારો પાસે LIC નો 1 શેર હશે, તેમને વધારાનો 1 શેર બોનસ તરીકે મફત આપવામાં આવશે. આ બોનસ ઇશ્યૂ માટે કંપની તેના રિઝર્વ અને સરપ્લસ ફંડમાંથી 6,325 કરોડ રૂપિયાનો ઉપયોગ કરશે.
નોંધનીય છે કે, બોનસ શેર મેળવવા માટેની 'રેકોર્ડ ડેટ'ની જાહેરાત કંપની દ્વારા આગામી સમયમાં કરવામાં આવશે. મે 2022 માં શેરબજારમાં લિસ્ટિંગ થયા બાદ LIC દ્વારા જાહેર કરવામાં આવેલો આ પહેલો બોનસ ઇશ્યૂ છે.
ક્યારે આવશે તમારા ખાતામાં શેર?
જો તમે LIC ના શેર ધરાવો છો, તો તમારે લાંબી રાહ જોવી નહીં પડે. કંપનીએ સ્પષ્ટ કર્યું છે કે બોનસ શેર આપવાની પ્રક્રિયા બોર્ડની મંજૂરીના 2 મહિનાની અંદર પૂરી કરી દેવામાં આવશે. આનો અર્થ એ થયો કે 12 જૂન, 2026 પહેલા પાત્ર શેરધારકોના ડીમેટ એકાઉન્ટમાં બોનસ શેર જમા થઈ જશે.
સરકાર માટે OFS નો રસ્તો ખુલશે
હાલમાં LIC માં ભારત સરકાર હસ્તક 96.5% હિસ્સો છે. બજારના નિષ્ણાતોનું માનવું છે કે બોનસ શેરની આ જાહેરાત બાદ સરકાર માટે આગામી સમયમાં 'ઓફર ફોર સેલ' (OFS) લાવવાનો રસ્તો સાફ થઈ જશે. સરકાર લાંબા સમયથી LIC માં પોતાનો હિસ્સો ઘટાડવાનું વિચારી રહી છે.
કંપનીની આર્થિક સ્થિતિ અને ઇતિહાસ
IPO કિંમત: LIC નો IPO મે 2022 માં આવ્યો હતો, જેમાં શેરની કિંમત 949 રૂપિયા નક્કી કરવામાં આવી હતી.
નફો: નાણાકીય વર્ષ 2026 ના પ્રથમ 9 મહિનામાં કંપનીએ 33,998 કરોડ રૂપિયાનો ચોખ્ખો નફો કર્યો છે.
રિઝર્વ ફંડ: 31 ડિસેમ્બર, 2026 સુધીમાં કંપની પાસે 1,46,441 કરોડ રૂપિયાનું જંગી રિઝર્વ અને સરપ્લસ ફંડ ઉપલબ્ધ હતું.
ડિવિડન્ડ: લિસ્ટિંગ બાદ અત્યાર સુધીમાં કંપની 5 વખત વ્યાજ (Interim Dividend) આપી ચૂકી છે.
રોકાણકારોને શું ફાયદો થશે?
સામાન્ય રીતે બોનસ શેર મળવાથી રોકાણકારો પાસે શેરની સંખ્યા બમણી થઈ જાય છે. જોકે, શરૂઆતમાં રોકાણની કુલ કિંમત બદલાતી નથી કારણ કે શેરનો ભાવ તે જ પ્રમાણમાં એડજસ્ટ (ઘટે) થાય છે. પરંતુ લાંબા ગાળે આ ફાયદાકારક છે, કારણ કે જ્યારે કંપની ભવિષ્યમાં ડિવિડન્ડ જાહેર કરે છે, ત્યારે તે તમારી પાસે રહેલા વધારાના શેર પર પણ મળે છે, જેનાથી તમારી પેસિવ ઈન્કમ વધે છે.
ડિસ્ક્લેમર: આ જાણકારી ફક્ત સૂચના હેતુ આપવામાં આવી રહી છે. અહીં બતાવુ જરૂરી છે કે માર્કેટમાં રોકાણ બજાર જોખમોના આધીન છે. રોકાણકારોની રીતે પૈસા લગાવાથી પહેલા હંમેશા એક્સપર્ટથી સલાહ લે. મનીકંટ્રોલની તરફથી કોઈને પણ પૈસા લગાવાની અહીં ક્યારેય પણ સલાહ નથી આપવામાં આવી છે.
પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ, Stock Tips, સમાચાર, પર્સનલ ફાઇનાન્સ અને બિઝનેસ સંબંધિત સમાચાર વાંચો. દૈનિક બજાર અપડેટ્સ માટે Moneycontrol App ડાઉનલોડ કરો.