Market outlook : બજાર લાલ નિશાનમાં બંધ, જાણો 10 ડિસેમ્બરે કેવી રહેશે ચાલ

Share market: ભારતીય ઇક્વિટી સૂચકાંકો 9 ડિસેમ્બરના રોજ સતત બીજા ટ્રેડિંગ સત્રમાં નકારાત્મક વલણ સાથે બંધ થયા હતા. નિફ્ટી આજે 24,600 આસપાસ રહ્યો હતો. ટ્રેડિંગ સેશનના અંતે સેન્સેક્સ 200.66 પોઈન્ટ્સ અથવા 0.25 ટકા ઘટીને 81,508.46 પર અને નિફ્ટી 58.80 પોઈન્ટ્સ અથવા 0.24 ટકા ઘટીને 24,619.00 પર આવી ગયો હતો. આજે આશરે 2222 શેર વધ્યા હતા, 1692 શેર ઘટ્યા હતા અને 151 શેર યથાવત રહ્યા હતા. નિફ્ટીમાં ઘટતા શેરોમાં ટાટા કન્ઝ્યુમર, એચયુએલ, ટાટા મોટર્સ, એક્સિસ બેન્ક, નેસ્લે ઈન્ડિયાનો સમાવેશ થાય છે. જ્યારે વધતા શેરોમાં એલએન્ડટી, વિપ્રો, એસબીઆઈ લાઈફ ઈન્સ્યોરન્સ, બીપીસીએલ અને ટાટા સ્ટીલનો સમાવેશ થાય છે.

વ્યક્તિગત ક્ષેત્રોની વાત કરીએ તો, એફએમસીજી અને મીડિયા 2 ટકા, ફાર્મા, પીએસયુ બેન્ક, ઓટો અને એનર્જી 0.5 ટકા ઘટ્યા છે. જ્યારે મેટલ ઈન્ડેક્સમાં 0.6 ટકા અને કેપિટલ ગુડ્સ ઈન્ડેક્સમાં 1 ટકાનો વધારો થયો છે. BSE મિડકેપ ઈન્ડેક્સ 0.3 ટકા અને સ્મોલકેપ ઈન્ડેક્સ 0.5 ટકા વધ્યા છે.

પ્રોગ્રેસિવ શેર્સના ડિરેક્ટર આદિત્ય ગગ્ગર કહે છે કે, ધીમી શરૂઆત પછી નિફ્ટી મર્યાદિત રેન્જમાં રહી હતી અને અંતે 58.80 પોઈન્ટના ઘટાડા સાથે 24,619 પર બંધ રહ્યો હતો. ક્ષેત્રોમાં મેટલ શેર્સમાં સૌથી વધુ વધારો થયો હતો, ત્યારબાદ રિયલ્ટીનો નંબર આવે છે. બીજી બાજુ, એફએમસીજી અને મીડિયા આજે સૌથી વધુ પાછળ રહ્યા હતા. મિડ અને સ્મોલકેપ્સ અનુક્રમે 0.50 ટકા અને 0.19 ટકાના વધારા સાથે બ્રોડર માર્કેટ્સે તેમનું આઉટપરફોર્મન્સ ચાલુ રાખ્યું હતું.

ગ્રેવસ્ટોન ડોજી કેન્ડલસ્ટિક પેટર્ન સાથે બજારમાં પુલ બેક જોવા મળ્યું. બજારનું સેન્ટિમેન્ટ તેજીનું છે અને તેજી 25,400 તરફ ચાલુ રહેશે અને ડાઉનસાઇડમાં 24,540 પર મોટો સપોર્ટ છે. જ્યારે 24,850 પર તાત્કાલિક સપોર્ટ દેખાઈ રહ્યો છે.