Closing Bell : નિફ્ટી 24250ની નીચે ખાબક્યો, સેન્સેક્સ 442 પોઈન્ટ તૂટ્યો, HDFC-Axis સહિતની પ્રાઈવેટ બેન્કોના શેરો પિટાયા

Closing Bell : ભારતીય શેરબજારમાં ભારે ઉતાર-ચઢાવ અને વેચવાલીનો માહોલ જોવા મળ્યો. પશ્ચિમ એશિયામાં વધી રહેલા ભૌગોલિક રાજકીય તણાવ અને ક્રૂડ ઓઈલના ભાવમાં આવેલા ઉછાળાની સીધી નકારાત્મક અસર દલાલ સ્ટ્રીટ પર પડી છે. આજે ખાસ કરીને પ્રાઈવેટ બેન્કોના શેરોમાં જબરદસ્ત ધોવાણ થતાં બજાર લાલ નિશાનમાં બંધ થયું છે.

સેન્સેક્સ અને નિફ્ટીના ક્લોઝિંગ આંકડા

સોમવારે બજાર બંધ થવા સમયે સેન્સેક્સ 442.93 પોઈન્ટ એટલે કે 0.57 ટકાના ઘટાડા સાથે 77708.52 ના સ્તર પર બંધ થયો હતો. બીજી તરફ નિફ્ટી પણ 95.80 પોઈન્ટ (0.39 ટકા) તૂટીને 24238.50 પર બંધ રહ્યો, એટલે કે નિફ્ટી તેની 24250 ની મહત્વની સપાટી નીચે સરકી ગયો છે.

શેરબજારની સાથે સાથે ભારતીય ચલણ પણ નબળું પડ્યું છે. સોમવારે રૂપિયો 17 પૈસા તૂટીને 96.45 પ્રતિ ડોલરના સ્તરે બંધ થયો છે, જે અગાઉના ટ્રેડિંગ સેશનમાં 96.28 પર હતો.

બજાર તૂટવા પાછળના 2 મુખ્ય કારણો

મિડલ ઈસ્ટમાં તણાવ વધતા કાચા તેલના ભાવ આસમાને પહોંચી રહ્યા છે. આનાથી બજારમાં એવી દહેશત ફેલાઈ છે કે મોંઘવારી વધશે અને સેન્ટ્રલ બેન્કો કડક મોનેટરી પોલિસી અપનાવશે. આ ડરના કારણે રોકાણકારો સતર્ક થઈ ગયા છે. સ્થાનિક સ્તરે પ્રાઈવેટ સેક્ટરની બેન્કોના 'નેટ ઈન્ટરેસ્ટ માર્જિન' પર ભારે દબાણ આવ્યું છે. માર્કેટને ચિંતા છે કે સારી ક્રેડિટ ગ્રોથ હોવા છતાં નીચા વ્યાજદરોના કારણે બેન્કોના નફામાં મોટો ઘટાડો થઈ રહ્યો છે, જેના લીધે બેન્કિંગ શેરો તૂટ્યા.

ટોપ લુઝર્સ અને ટોપ ગેનર્સ