PB Fintech Share Crash: વીમા રેગ્યુલેટર IRDAI દ્વારા ઈન્શ્યોરન્સ ડિસ્ટ્રિબ્યુશન કમિશનની મર્યાદા નક્કી કરવાના પ્રસ્તાવ બાદ PB Fintech એટલે કે Policybazaarના શેરમાં ભારે કડાકો જોવા મળ્યો છે. 24 સપ્ટેમ્બરના ટ્રેડિંગ સેશનમાં કંપનીનો શેર 36 ટકાના લોઅર સર્કિટ સાથે તૂટીને ₹1,207.20ના 52-વીક લો પર બંધ થયો હતો. આ ભારે વેચવાલી બાદ કંપનીનું માર્કેટ કેપ એક જ દિવસમાં ₹31,000 કરોડથી વધુ ઘટીને ₹55,860 કરોડ પર આવી ગયું હતું.
PB Fintechના શેરમાં 36% નો કડાકો, હવે HSBC અને મોતીલાલ ઓસવાલે બદલ્યો ટાર્ગેટ
IRDAI દ્વારા ઈન્શ્યોરન્સ ડિસ્ટ્રિબ્યુશન કમિશન પર મર્યાદા નક્કી કરવાના પ્રસ્તાવ બાદ PB Fintechના શેરમાં 36 ટકાનો કડાકો આવ્યો હતો. શેર ₹1,207.20ના 52-વીક લો પર પહોંચ્યો અને કંપનીનું માર્કેટ કેપ એક જ દિવસમાં ₹31,000 કરોડથી વધુ ઘટ્યું. HSBCએ રેટિંગ ઘટાડીને ‘Hold’ કર્યું અને ટાર્ગેટ ₹1,150 કર્યો, જ્યારે Motilal Oswalએ ‘Neutral’ રેટિંગ સાથે ₹1,150નો ટાર્ગેટ આપ્યો. પ્રસ્તાવિત નિયમોથી કંપનીની આવક અને કમાણી પર દબાણ આવી શકે છે.
MoneyControl Newsઅપડેટેડ Sep 25, 2026 પર 10:49 AM
શેરમાં આવેલા આ મોટા ઘટાડા બાદ અનેક મોટા ગ્લોબલ અને ડોમેસ્ટિક બ્રોકરેજ હાઉસે PB Fintech અંગેના પોતાના આઉટલુક અને અર્નિંગ્સના અંદાજમાં ઘટાડો કર્યો છે. 25 સપ્ટેમ્બરના ટ્રેડિંગ સેશનમાં પણ Policybazaarનો શેર રોકાણકારોના રડાર પર રહ્યો. બજારમાં શરૂઆત દરમિયાન શેર લીલા નિશાનમાં ખુલ્યો અને શરૂઆતના સેશનમાં લગભગ 4 ટકા સુધી વધ્યો હતો. જોકે ત્યારબાદ ફરી વેચવાલી જોવા મળી અને સમાચાર લખાયા ત્યારે શેર લગભગ 1.34 ટકા ઘટીને ₹1,193ની આસપાસ ટ્રેડ થઈ રહ્યો હતો.
HSBCએ રેટિંગ ઘટાડ્યું, ટાર્ગેટમાં 45%નો ઘટાડો
ગ્લોબલ બ્રોકરેજ ફર્મ HSBCએ પીબી ફિનટેકની રેટિંગને 'Hold' પર ડાઉનગ્રેડ કરી છે. સાથે જ કંપનીના શેરનો ટાર્ગેટ પ્રાઇસ ₹2,100થી ઘટાડીને ₹1,150 પ્રતિ શેર કર્યો છે. આ ટાર્ગેટ 24 સપ્ટેમ્બરના બંધ ભાવ કરતાં પણ લગભગ 5 ટકા નીચે છે.
HSBCએ IRDAIના પ્રસ્તાવોને ધ્યાનમાં રાખીને કંપનીના FY28 અને FY29ના EPS અંદાજમાં અનુક્રમે 56 ટકા અને 17 ટકાનો ઘટાડો કર્યો છે.
બ્રોકરેજના મતે ટેક-રેટમાં ઘટાડો થવાથી પીબી ફિનટેક પર અસર પડી શકે છે. જોકે કંપનીની મજબૂત ગ્રોથ અને ખર્ચમાં ઘટાડો થવાથી તેની અસરને અમુક હદ સુધી ઓછી કરી શકાય છે. IRDAI તરફથી નિયમનકારી સ્થિતિ સ્પષ્ટ ન થાય ત્યાં સુધી શેરમાં અનિશ્ચિતતા યથાવત રહી શકે છે.
મોતીલાલ ઓસવાલએ પણ ₹1,150નો ટાર્ગેટ આપ્યો
ડોમેસ્ટિક બ્રોકરેજ હાઉસ મોતીલાલ ઓસવાલએ પીબી ફિનટેક પર 'નેચરલ' રેટિંગ જાળવી રાખ્યું છે અને શેર માટે ₹1,150નો ટાર્ગેટ આપ્યો છે. બ્રોકરેજે અલગ-અલગ પરિસ્થિતિઓના આધારે કંપનીની કમાણી પર થતી સંભવિત અસરનું વિશ્લેષણ કર્યું છે.
બ્રોકરેજના જણાવ્યા અનુસાર IRDAIના નવા પ્રસ્તાવોથી FY28માં PB Fintechની કોર ઓનલાઈન ઈન્શ્યોરન્સ રેવન્યુમાં લગભગ 30 ટકાનો ઘટાડો થઈ શકે છે.
જો કંપની પોતાના ખર્ચમાં ઘટાડો કરવામાં સક્ષમ ન રહે તો તેની નેટ ઈન્કમમાં 46 ટકા સુધીનો ઘટાડો થઈ શકે છે. આવી સ્થિતિમાં શેરનું વેલ્યુએશન લગભગ 73 ગણાના P/E મલ્ટિપલ પર આવી શકે છે.
બીજી તરફ, જો કંપની કર્મચારી અને જાહેરાત ખર્ચમાં 20 ટકાનો ઘટાડો કરે છે, તો કમાણીમાં થતો ઘટાડો લગભગ 30 ટકા સુધી મર્યાદિત રહી શકે છે.
શા માટે તૂટ્યા પીબી ફિનટેકના શેર?
IRDAIએ ઈન્શ્યોરન્સ ડિસ્ટ્રિબ્યુશન ઈકોનોમિક્સમાં ફેરફાર કરવા માટે કન્સલ્ટેશન પેપર જાહેર કર્યું છે. તેમાં હેલ્થ, મોટર અને લાઇફ ઈન્શ્યોરન્સમાં મળતા કમિશનની ઉપરની મર્યાદા નક્કી કરવાનો પ્રસ્તાવ છે.
હેલ્થ ઈન્શ્યોરન્સ: નવી પોલિસી પર 15-20 ટકા કમિશન જ્યારે રિન્યુઅલ અને પોર્ટિંગ પર 5-10 ટકા કમિશનની મર્યાદા સૂચવવામાં આવી છે.
મોટર ઈન્શ્યોરન્સ: મોટર ઈન્શ્યોરન્સમાં પણ કમિશન કેપિંગનો પ્રસ્તાવ કરવામાં આવ્યો છે.
લાઇફ ઈન્શ્યોરન્સ: પોલિસીની અવધિના આધારે પ્રથમ વર્ષનું કમિશન 5-20 ટકા નક્કી કરવાનો પ્રસ્તાવ છે.
2026માં અત્યાર સુધી 33% ઘટ્યો શેર
પીબી ફિનટેકનો શેર 2026માં અત્યાર સુધીમાં લગભગ 33.2 ટકા ઘટ્યો છે. આ જ સમયગાળા દરમિયાન Nifty 50માં લગભગ 11.8 ટકાનો ઘટાડો જોવા મળ્યો છે.
IRDAI તરફથી અંતિમ નિયમો જાહેર ન થાય ત્યાં સુધી Policybazaarના શેરમાં દબાણ અને અસ્થિરતા યથાવત રહી શકે છે. જોકે અંતિમ નિયમો અને તેની અસર કંપનીના બિઝનેસ મોડલ તથા કમાણી પર કેટલી પડે છે, તે આગામી સમયમાં મહત્વનું રહેશે.
ડિસ્ક્લેમર: Moneycontrol.com પર આપવામાં આવેલા વિચાર અને રોકાણની સલાહ રોકાણ વિશેષજ્ઞોના પોતાના ખાનગી વિચાર અને સલાહ હોય છે. Moneycontrol યૂઝર્સને સલાહ આપે છે કે તે કોઈ રોકાણ નિર્ણય લેવાના પહેલા સર્ટિફાઈડ એક્સપર્ટથી સલાહ લો.
પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ, Stock Tips, સમાચાર, પર્સનલ ફાઇનાન્સ અને બિઝનેસ સંબંધિત સમાચાર વાંચો. દૈનિક બજાર અપડેટ્સ માટે Moneycontrol App ડાઉનલોડ કરો.