Reliance Power Share Price: AI સેક્ટરમાં એન્ટ્રીની જાહેરાત થતા જ રિલાયન્સ પાવરનો શેર 18 ટકા ઉછળ્યો

Reliance Power Share Price: શેરબજારમાં આજે અનિલ અંબાણીની કંપની રિલાયન્સ પાવરના શેરોએ કમાલ કરી દીધી છે. 1 જુલાઈએ બજાર ખૂલતાની સાથે જ આ શેરમાં જબરદસ્ત તેજી જોવા મળી હતી. કંપનીના શેરોને જાણે પાંખો આવી ગઈ હોય તેમ તે સીધો આસમાને પહોંચ્યો હતો. આ શાનદાર ઉછાળા પાછળનું મુખ્ય કારણ કંપની દ્વારા કરવામાં આવેલી એક અત્યંત મહત્વની જાહેરાત છે.

શેરબજારમાં રિલાયન્સ પાવરનું શાનદાર પ્રદર્શન

1 જુલાઈના રોજ બજાર ખૂલતા જ રિલાયન્સ પાવરનો શેર 18.35 ટકાનો મોટો જમ્પ લગાવીને સીધો 29.40 રૂપિયાની સપાટી પર પહોંચી ગયો હતો. જોકે, ત્યારબાદ બજારમાં તેજી થોડી ધીમી પડી હતી. બપોરે 12 વાગ્યાની આસપાસ આ શેર 15.90 ટકાના ઉછાળા સાથે 28.79 રૂપિયા પર ટ્રેડ કરી રહ્યો હતો.

શેર કેમ ઉછળ્યો?

કંપનીએ શેરબજારને સત્તાવાર રીતે માહિતી આપી છે કે, રિલાયન્સ પાવર હવે ઝડપથી વિકસી રહેલા આર્ટિફિશિયલ ઈન્ટેલિજન્સ (AI) અને તેની સાથે જોડાયેલી ન્યૂ-એજ ટેક્નોલોજી (New-Age Technologies) ના બિઝનેસમાં ઉતરવાનો પ્લાન બનાવી રહી છે.

આ નવા બિઝનેસ ફ્રેમવર્ક હેઠળ AI અને સંબંધિત ટેક્નોલોજીનો મહત્તમ ઉપયોગ કરવા માટે કંપનીએ પોતાની સબસિડિયરી (પેટા) કંપનીઓના ઉદ્દેશ્યોમાં મોટા ફેરફારો કર્યા છે. આ નવા પગલાંને કારણે જ રોકાણકારોમાં ભારે ઉત્સાહ જોવા મળ્યો છે.

કંપનીઓએ બદલ્યા પોતાના નામ