Share Market : સેન્સેક્સ 600 પોઈન્ટ તૂટ્યો, નિફ્ટી 24,250ની નીચે ખાબક્યો, ઈન્ડિગો સહિત બેન્ક શેરોમાં ભારે ઘટાડો

Share Market : શેરબજારમાં આજે રોકાણકારો માટે નિરાશાજનક શરૂઆત જોવા મળી છે. નબળા ગ્લોબલ સંકેતોને કારણે ભારતીય શેરબજારમાં મોટો કડાકો બોલી ગયો છે. શરૂઆતના કારોબારમાં જ સેન્સેક્સ લગભગ 600 પોઈન્ટ જેટલો તૂટ્યો હતો, જ્યારે નિફ્ટી 24,250ના મહત્વના લેવલથી નીચે સરકી ગયો છે. માર્કેટ ખુલતાની સાથે જ ઈન્ડિગોના શેરમાં 2% નો મોટો ઘટાડો જોવા મળ્યો છે અને બેન્ક શેરોમાં પણ ભારે વેચવાલી નોંધાઈ રહી છે.

GIFT નિફ્ટી અને ગઈકાલની બજારની સ્થિતિ

નિફ્ટી 50 ના શરૂઆતના પરફોર્મન્સનો સંકેત આપતો GIFT નિફ્ટી 153.50 પોઈન્ટ (એટલે કે 0.63 ટકા) ના ઘટાડા સાથે 24,230.00 ના સ્તર પર ટ્રેડ થઈ રહ્યો હતો. અગાઉના સેશનની વાત કરીએ તો, મંગળવારે સાપ્તાહિક F&O એક્સપાયરી અને ગ્લોબલ માર્કેટના નેગેટિવ સંકેતોને કારણે ભારતીય બજારોની સળંગ 4 દિવસની તેજી પર બ્રેક વાગી ગઈ હતી. મંગળવારે NSE નિફ્ટી 31.65 પોઈન્ટ (0.13%) ઘટીને 24,398.70 પર અને BSE સેન્સેક્સ 104.35 પોઈન્ટ (0.13%) ઘટીને 78,180.72 પર બંધ થયો હતો.

મિડલ ઈસ્ટના તણાવથી ક્રૂડ ઓઈલમાં ભડકો

ગ્લોબલ માર્કેટમાં ખાસ કરીને મિડલ ઈસ્ટમાં ચાલી રહેલા નવા તણાવની સીધી અસર જોવા મળી રહી છે. ગ્લોબલ સપ્લાય ચેઈન ખોરવાવાની આશંકાએ ટ્રેડર્સ સતર્ક બન્યા છે, જેના કારણે ક્રૂડ ઓઇલના ભાવમાં મોટો ઉછાળો આવ્યો છે.

સપ્ટેમ્બર ડિલિવરી માટે બ્રેન્ટ ક્રૂડ 2.75% વધીને બેરલ દીઠ $76.18 થઈ ગયું છે.ઓગસ્ટ માટે વેસ્ટ ટેક્સાસ ઇન્ટરમીડિયેટ (WTI) 2.87% વધીને $72.46 પ્રતિ બેરલ પર પહોંચી ગયું છે.રોકાણકારોની નજર અત્યારે ક્રૂડ એક્સપોર્ટના મુખ્ય માર્ગ 'સ્ટ્રેટ ઓફ હોર્મુઝ' આસપાસના જોખમો પર રહેલી છે.

એશિયન બજારોમાં પણ મંદીનો માહોલ