Share Market : સેન્સેક્સમાં 350 પોઈન્ટનો ઉછાળો, નિફ્ટી 23,900ને પાર, આજે SBI અને HCL Tech જેવા શેરો પર રહેશે ખાસ નજર

Share Market : નિફ્ટી 50ના શરૂઆતી ટ્રેન્ડનો સંકેત આપતો ગિફ્ટ નિફ્ટી 23,929.50ના સ્તર પર એકદમ સપાટ કારોબાર કરી રહ્યો હતો. જોકે, અગાઉ સોમવારે બજારમાં સતત બીજા દિવસે સારી એવી ખરીદી જોવા મળી હતી. અમેરિકા અને ઈરાન વચ્ચે ચાલી રહેલી શાંતિ વાટાઘાટોની પોઝિટિવ અસર ગ્લોબલ માર્કેટ પર પડી છે, જેના સપોર્ટથી ભારતીય બેન્ચમાર્ક ઇન્ડેક્સ વધારા સાથે બંધ થયા હતા.

સેન્સેક્સ: સોમવારે સેન્સેક્સ 736.38 પોઈન્ટના ઉછાળા સાથે 76,264.33 ના સ્તરે બંધ રહ્યો હતો.

નિફ્ટી: નિફ્ટી 50 ઇન્ડેક્સ 231 પોઈન્ટ વધીને 23,853.90 ના મજબૂત સ્તરે પહોંચ્યો હતો.

કાચા તેલના ભાવમાં ઉછાળો

શાંતિ કરારના સમાચારો વચ્ચે ક્રૂડ ઓઇલની કિંમતોમાં પણ વધારો નોંધાયો છે. ઓગસ્ટ મહિનાના સેટલમેન્ટ માટે બ્રેન્ટ ક્રૂડના ભાવ 0.5% વધીને 83.59 ડોલર પ્રતિ બેરલ થઈ ગયા છે. જુલાઈ ડિલિવરી માટે WTI ક્રૂડ 0.7% ના ઉછાળા સાથે 81.28 ડોલર પ્રતિ બેરલ પર પહોંચી ગયું છે.

એશિયન બજારોમાં મિશ્ર માહોલ

એશિયન માર્કેટની વાત કરીએ તો ત્યાં મિશ્ર ટ્રેન્ડ જોવા મળી રહ્યો છે. રોકાણકારો અમેરિકા-ઈરાન ડીલના નવા ડેવલપમેન્ટ્સ અને સેન્ટ્રલ બેંકોના આવનારા મહત્વના નિર્ણયો પર ચાંપતી નજર રાખી રહ્યા છે.