Share Market Recovery: વિશ્વભરના બજારોમાં જોવા મળી રહેલા વેચવાલીના દબાણ વચ્ચે આજે સ્થાનિક શેરબજારમાં પણ શરૂઆતમાં મોટો ઘટાડો જોવા મળ્યો હતો. શરૂઆતી કારોબારમાં સેન્સેક્સ અને નિફ્ટી બંને નીચે પટકાયા હતા. સેન્સેક્સ 500 પોઈન્ટથી વધુ તૂટી ગયો હતો, જ્યારે નિફ્ટી પણ 23250 ની નીચે આવી ગયો હતો.
Share Market Recovery: સેન્સેક્સમાં 650 પોઈન્ટની રિકવરી, આ 5 કારણોથી નિફ્ટી થયો ગ્રીન
શેરબજારમાં શરૂઆતી કડાકા બાદ શાનદાર વાપસી! સેન્સેક્સમાં 650 પોઈન્ટથી વધુની રિકવરી આવી અને નિફ્ટી ગ્રીન ઝોનમાં પહોંચ્યો. જાણો માર્કેટ રિકવર થવાના 5 મુખ્ય કારણો.
MoneyControl Newsઅપડેટેડ Jun 04, 2026 પર 12:01 PM
જોકે, ત્યારબાદ માર્કેટે શાનદાર કમબેક કર્યું છે. વિદેશી રોકાણકારો માટે આવેલા એક રાહતના સમાચાર અને નીચલા સ્તરે થયેલી ખરીદીએ બજારને મોટો ટેકો આપ્યો. પરિણામે સેન્સેક્સ અને નિફ્ટી લાલ નિશાનમાંથી લીલા નિશાનમાં આવી ગયા. મિડકેપ અને સ્મોલકેપ શેરોમાં પણ રોનક પાછી આવી છે અને નિફ્ટી મિડકેપ 100 તથા નિફ્ટી સ્મોલકેપ 100 ઇન્ડેક્સ લગભગ અડધો ટકો ઉછળ્યા છે.
માર્કેટનું લેટેસ્ટ આંકડાકીય અપડેટ
સવારે 11:37 વાગ્યાની સ્થિતિએ સેન્સેક્સ 61.84 પોઈન્ટ (0.08%) ના મામૂલી વધારા સાથે 74408.01 પર ટ્રેડ કરી રહ્યો હતો. નિફ્ટી 50 પણ 22.20 પોઈન્ટ (0.09%) ની તેજી સાથે 23427.80 ના સ્તરે પહોંચી ગયો હતો.
કેવી રીતે આવી રિકવરી?
શરૂઆતમાં સેન્સેક્સ 538.87 પોઈન્ટ તૂટીને 73807.30 પર આવી ગયો હતો. અહીંથી તેણે જોરદાર વાપસી કરી અને 673.45 પોઈન્ટ રિકવર થઈને 74480.75 ની સપાટી સુધી પહોંચી ગયો.તેવી જ રીતે નિફ્ટી પણ શરૂઆતમાં 158.30 પોઈન્ટ ઘટીને 23247.30 પર આવી ગયો હતો, પરંતુ બાદમાં 202.80 પોઈન્ટ ઉછળીને 23450.10 પર પહોંચી ગયો હતો.
શેરબજારમાં રિકવરી આવવાના 5 મુખ્ય કારણો
1. વિદેશી રોકાણકારોને ટેક્સમાં મોટી રાહત
મીડિયા રિપોર્ટ્સ મુજબ, વડાપ્રધાનની અધ્યક્ષતામાં મળેલી કેન્દ્રીય કેબિનેટની બેઠકમાં વિદેશી રોકાણકારો માટે ટેક્સના નિયમો સરળ બનાવતા એક ખાસ વટહુકમને મંજૂરી આપવામાં આવી છે. આ નિર્ણયનો મુખ્ય હેતુ વિદેશી રોકાણકારોને અમુક ખાસ કેટેગરીની સિક્યોરિટીઝમાં ટેક્સમાંથી રાહત આપવાનો છે, જેનાથી બજારમાં પોઝિટિવ માહોલ બન્યો છે.
2. અમેરિકા અને ઈરાન વચ્ચે શાંતિની આશા
વ્હાઇટ હાઉસમાં મીડિયા સાથે વાત કરતા ડોનાલ્ડ ટ્રમ્પે જણાવ્યું છે કે ઈરાન સાથે વાતચીત 'ખૂબ સારી' ચાલી રહી છે. જો બધું બરાબર રહ્યું તો આ વીકએન્ડમાં જ શાંતિ કરાર થઈ શકે છે. આ સમાચારે બજારને મોટો સપોર્ટ આપ્યો છે, જોકે ગ્લોબલ અનિશ્ચિતતાના કારણે થોડું પ્રોફિટ બુકિંગ પણ જોવા મળી રહ્યું છે.
3. વેલ્યૂ બાઇંગ
બજાર ખુલતા જ શેરોના ભાવ નીચે ગયા હતા. આ ઘટાડાનો ફાયદો ઉઠાવીને રોકાણકારોએ નીચલા સ્તરેથી ધૂમ ખરીદી કરી, જેણે માર્કેટને ફરીથી ઊભું કરવામાં ઘણી મદદ કરી.
4. India VIX માં નરમાશ
બજારમાં રોકાણકારોનો ગભરાહટ અને અસ્થિરતા માપતો ઇન્ડેક્સ ઇન્ડિયા વિક્સ 0.52% ઘટીને 16.19 પર આવી ગયો છે. વિક્સનું નીચે આવવું એ બજાર માટે સારો સંકેત છે, કારણ કે તેનો સીધો અર્થ એ છે કે માર્કેટમાં ડર અને વોલેટિલિટી ઓછા થયા છે.
5. FMCG અને ઓટો સેક્ટરમાં શાનદાર તેજી
આજે IT અને મેટલ શેરોમાં વેચવાલીનું ભારે દબાણ છે અને તેના નિફ્ટી ઇન્ડેક્સમાં લગભગ અડધા ટકાનો ઘટાડો જોવા મળ્યો છે. પરંતુ તેની સામે ઓટો અને FMCG સેક્ટરે બજારની કમાન સંભાળી લીધી. આ બંને સેક્ટરના નિફ્ટી ઇન્ડેક્સ અડધા ટકાથી વધુ ઉછળ્યા છે. આ ઉપરાંત, નિફ્ટી PSU બેન્ક ઇન્ડેક્સમાં પણ અડધા ટકાનો વધારો નોંધાયો છે, જેણે માર્કેટને ગ્રીન ઝોનમાં લાવવામાં મોટી ભૂમિકા ભજવી છે.
ડિસ્ક્લેમર: આ જાણકારી ફક્ત સૂચના હેતુ આપવામાં આવી રહી છે. અહીં બતાવુ જરૂરી છે કે માર્કેટમાં રોકાણ બજાર જોખમોના આધીન છે. રોકાણકારોની રીતે પૈસા લગાવાથી પહેલા હંમેશા એક્સપર્ટથી સલાહ લે. મનીકંટ્રોલની તરફથી કોઈને પણ પૈસા લગાવાની અહીં ક્યારેય પણ સલાહ નથી આપવામાં આવી છે.
પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ, Stock Tips, સમાચાર, પર્સનલ ફાઇનાન્સ અને બિઝનેસ સંબંધિત સમાચાર વાંચો. દૈનિક બજાર અપડેટ્સ માટે Moneycontrol App ડાઉનલોડ કરો.