Opening Bell : સેન્સેક્સમાં 370 પોઈન્ટનો શાનદાર ઉછાળો, નિફ્ટી 24100ને પાર, આ 4 શેરો પર રહેશે ફોકસ

Opening Bell : ગ્લોબલ માર્કેટના મિશ્ર સંકેતો અને કાચા તેલની કિંમતોમાં આવેલા મોટા ઘટાડા બાદ, ગુરુવારે ભારતીય શેરબજારમાં શાનદાર તેજી જોવા મળી છે. 25 જૂને બજાર ખુલતાની સાથે જ બેન્ચમાર્ક ઇન્ડેક્સ સેન્સેક્સ અને નિફ્ટી 50 માં મોટો ઉછાળો નોંધાયો છે, જેનાથી રોકાણકારોના ચહેરા પર ખુશી જોવા મળી રહી છે.

બજારની મજબૂત શરૂઆત

ગ્લોબલ માર્કેટમાં ભલે મિશ્ર માહોલ હોય, પરંતુ ભારતીય શેરબજાર આજે લીલા નિશાન સાથે ખુલ્યું છે. શરુઆતી કારોબારમાં જ સેન્સેક્સ લગભગ 370 પોઈન્ટ ઉછળી ગયો હતો. બીજી તરફ નિફ્ટીએ પણ જબરદસ્ત પ્રદર્શન કરતા 24100 નો મહત્વનો આંકડો આસાનીથી પાર કરી લીધો હતો.

રોકાણકારોના સેન્ટિમેન્ટમાં આવેલી આ મજબૂતી પાછળનું સૌથી મોટું કારણ કાચા તેલના ભાવમાં આવેલો ઘટાડો છે. ક્રૂડ ઓઇલના ભાવ ઘટીને છેક ઈરાન સંઘર્ષ પહેલાના સ્તર પર આવી ગયા છે, જેનાથી ભારતીય અર્થતંત્ર અને બજારને મોટો સપોર્ટ મળ્યો છે.

ગિફ્ટ નિફ્ટી અને બુધવારનું બજાર

નિફ્ટી 50 ના પ્રારંભિક પ્રદર્શનનો સંકેત આપતો ગિફ્ટ નિફ્ટી આજે સવારે 97.50 પોઈન્ટના ઉછાળા સાથે 24,120.50 ના સ્તર પર ટ્રેડ કરી રહ્યો હતો. આ આંકડો પહેલેથી જ ગેપ-અપ ઓપનિંગનો ઈશારો કરી રહ્યો હતો.જો આપણે અગાઉના એટલે કે બુધવારના ટ્રેડિંગ સેશન પર નજર કરીએ તો, બજારમાં જબરદસ્ત ખરીદી જોવા મળી હતી:

સેન્સેક્સ: 790.54 પોઈન્ટ (1.04%) ના મોટા વધારા સાથે 76,991.22 ના સ્તરે બંધ થયો હતો.