Share Market Today: 30 માર્ચના રોજ શેરબજારમાં મંદીવાળાઓનું (Bears) ભારે વર્ચસ્વ જોવા મળ્યું હતું. મોટા વોલ્યુમ સાથે નિફ્ટી સતત બીજા સેશનમાં 2 ટકાથી વધુ તૂટ્યો હતો. બજારમાં આ ઘટાડા પાછળ કેટલાક મુખ્ય કારણો જવાબદાર છે. પશ્ચિમ એશિયામાં યુદ્ધની સ્થિતિ વધુ ગંભીર બનતા ‘સ્ટ્રેટ ઓફ હોર્મુઝ' ખુલવાને લઈને અનિશ્ચિતતા ઊભી થઈ છે. આ ઉપરાંત, 26 ફેબ્રુઆરીથી વિદેશી રોકાણકારો (FII) સતત માર્કેટમાંથી પૈસા પાછા ખેંચી રહ્યા છે, જેના કારણે બજારનો મૂડ બગડ્યો છે.
શેરબજાર: મંદીવાળાઓ થાક્યા? નિફ્ટીમાં 22500થી 22700 સુધી બાઉન્સ બેકની શક્યતા, જાણો આજનો ટ્રેડ સેટઅપ
Share Market Today: માર્કેટ ઓવરસોલ્ડ થવાને કારણે નિફ્ટી 22500-22700ના સ્તર પર પરત ફરી શકે છે. જાણો આજના ટ્રેડિંગ માટે નિફ્ટી અને બેન્ક નિફ્ટીના મહત્વના લેવલ, VIX અને PCR નો ડેટા.
MoneyControl Newsઅપડેટેડ Apr 01, 2026 પર 8:57 AM
ટેકનિકલ ચાર્ટ પર નજર કરીએ તો, ‘લોઅર હાઈ-લોઅર લો' પેટર્ન અને નીચે તરફ જઈ રહેલા મૂવિંગ એવરેજ બજારમાં મજબૂત 'બેરિશ મોમેન્ટમ' (મંદી) નો સંકેત આપી રહ્યા છે. રોકાણકારો માટે આ મહિનો ખૂબ જ મુશ્કેલીભર્યો રહ્યો છે.
શું નિફ્ટીમાં બાઉન્સ બેક આવશે?
સતત ઘટાડા પછી માર્કેટ હવે ‘ઓવરસોલ્ડ' ઝોનમાં પ્રવેશી ચૂક્યું છે અને મંદીવાળાઓમાં થોડો થાક જોવા મળી રહ્યો છે. આ સ્થિતિમાં નિફ્ટી 22500થી 22700ની સપાટી તરફ પાછો ફરી શકે તેવી પૂરેપૂરી શક્યતા છે. જોકે, આ તેજી બજારમાં કેટલી ટકી શકશે તે જોવું ખૂબ જ મહત્વનું બની રહેશે. બજારના એક્સપર્ટ્સ માને છે કે નિફ્ટી હાલમાં એક ઉપર તરફ જતી સપોર્ટ ટ્રેન્ડલાઈનની બિલકુલ નજીક છે. જો આ ટ્રેન્ડલાઈન તૂટશે, તો નિફ્ટી સીધો 22000થી 21700ના સ્તર સુધી ગગડી શકે છે.
આજના ટ્રેડિંગમાં નફો કમાવવા માટે નીચે આપેલા મહત્વના આંકડા અને લેવલ્સ તમને ખૂબ કામ લાગશે.
નિફ્ટી માટેના મહત્વના સપોર્ટ અને રેઝિસ્ટન્સ લેવલ:
* પિવોટ પોઈન્ટ આધારીત સપોર્ટ: 22279, 22177 અને 22013
* પિવોટ પોઈન્ટ આધારીત રેઝિસ્ટન્સ: 22607, 22709 અને 22873
નિફ્ટીનું ટેકનિકલ એનાલિસિસ:
ગેપ-ડાઉન ઓપનિંગ પછી નિફ્ટીએ ડેઈલી ચાર્ટ પર અપર શેડો સાથે એક મોટી લાલ કેન્ડલ બનાવી છે, જે બજારમાં વેચવાલીનું ભારે દબાણ દર્શાવે છે. નિફ્ટી હાલમાં તેના 200 દિવસના EMA (એક્સપોનેન્શિયલ મૂવિંગ એવરેજ) થી 10.5 ટકા નીચે ટ્રેડ કરી રહ્યો છે અને તમામ મૂવિંગ એવરેજ નીચેની તરફ વળેલા છે. માર્ચની શરૂઆતથી જ RSI 40 ની નીચે રહ્યો છે, જ્યારે MACD પણ સિગ્નલ અને ઝીરો લાઈનથી નીચે છે. આ બધું બજારમાં લાંબા સમય સુધી મંદી રહેવાના સંકેત આપે છે.
બેન્ક નિફ્ટી માટેના મહત્વના લેવલ:
* પિવોટ પોઈન્ટ આધારીત રેઝિસ્ટન્સ: 51249, 51607 અને 52188
* પિવોટ પોઈન્ટ આધારીત સપોર્ટ: 50088, 49729 અને 49149
* ફિબોનાચી રિટ્રેસમેન્ટ આધારીત રેઝિસ્ટન્સ: 53788 અને 55312
* ફિબોનાચી રિટ્રેસમેન્ટ આધારીત સપોર્ટ: 50705 અને 47696
બેન્ક નિફ્ટીનું ટેકનિકલ એનાલિસિસ:
બેન્ક નિફ્ટીમાં પણ મોટી લાલ કેન્ડલ બની છે અને ‘લોઅર હાઈ-લોઅર લો'ની પેટર્ન યથાવત છે. ઈન્ડેક્સ તેના 200 દિવસના EMAથી 12 ટકા નીચે છે. ખાસ વાત એ છે કે બેન્ક નિફ્ટી 78.6 ટકાના ફિબોનાચી રિટ્રેસમેન્ટ લેવલ (માર્ચ 2025ના નીચલા સ્તરથી જાન્યુઆરી 2026 ના ઉપલા સ્તર સુધીની તેજીનું)થી નીચે સરકી ગયો છે. અહીં પણ RSI 40થી નીચે અને MACD માઈનસમાં છે, જે નબળાઈ દર્શાવે છે.
ઈન્ડિયા VIX
બજારની અફડાતફડી માપતો ઈન્ડિયા VIX 4.05 ટકા ઉછળીને 27.89ના સ્તરે પહોંચી ગયો છે. આ છેલ્લા 4 વર્ષનું સૌથી ઉંચુ ક્લોઝિંગ લેવલ છે. આ આંકડો તેજીવાળાઓ (Bulls) માટે મોટા જોખમનો સંકેત છે. જ્યાં સુધી VIX ઘટીને 18ની નીચે નહીં આવે, ત્યાં સુધી બજારમાં મંદીવાળાઓ (Bears) નું જ રાજ રહેશે.
પુટ-કોલ રેશિયો
બજારનો મૂડ દર્શાવતો નિફ્ટીનો પુટ-કોલ રેશિયો 30 માર્ચના રોજ ઘટીને 0.92 પર આવી ગયો છે, જે અગાઉના સેશનમાં 0.94 હતો. નિયમ મુજબ, જો PCR 0.7 થી 1 ની ઉપર હોય તો તેને તેજીનો સંકેત માનવામાં આવે છે. પરંતુ જો તે 0.7 ની નીચે જાય કે 0.5 તરફ આગળ વધે તો તે બજારમાં મંદીનું વાતાવરણ દર્શાવે છે.
F&O પ્રતિબંધ (F&O Ban) હેઠળના શેર્સ:
જ્યારે કોઈ શેરની ડેરીવેટીવ્ઝ પોઝીશન માર્કેટ વાઈડ લિમિટના 95 ટકાને પાર કરે છે, ત્યારે તેને પ્રતિબંધમાં મૂકવામાં આવે છે.
* નવા સામેલ થયેલા સ્ટોક: કોઈ નથી
* પહેલાથી સામેલ સ્ટોક: કોઈ નથી
* પ્રતિબંધમાંથી હટાવેલા સ્ટોક: કોઈ નથી
ડિસ્ક્લેમર: Moneycontrol.com પર વ્યક્ત કરાયેલા મંતવ્યો નિષ્ણાતોના અંગત મંતવ્યો છે. આ માટે વેબસાઇટ અથવા મેનેજમેન્ટ જવાબદાર નથી. મની કંટ્રોલ યુઝર્સને કોઈપણ રોકાણ નિર્ણય લેતા પહેલા પ્રમાણિત નિષ્ણાતની સલાહ લેવાની સલાહ આપે છે.
પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ, Stock Tips, સમાચાર, પર્સનલ ફાઇનાન્સ અને બિઝનેસ સંબંધિત સમાચાર વાંચો. દૈનિક બજાર અપડેટ્સ માટે Moneycontrol App ડાઉનલોડ કરો.