Get App

શેરબજારમાં હાહાકાર! સેન્સેક્સ 1690 પોઈન્ટ તૂટ્યો, છતાં આ 5 શેરોમાં 14% સુધીનો ઉછાળો, જાણો ટોપ ગેનર્સ અને લૂઝર્સ

Share Market Crash Today: 27 માર્ચે શેરબજારમાં મોટો કડાકો નોંધાયો છે. સેન્સેક્સ 1690 અને નિફ્ટી 486 પોઈન્ટ તૂટ્યા. જોકે આ ચોતરફા વેચવાલી વચ્ચે પણ 5 શેરો 14% સુધી ઉછળ્યા છે. જાણો આજના ટોપ ગેનર્સ અને લૂઝર્સ શેરોની સંપૂર્ણ માહિતી.

MoneyControl Newsઅપડેટેડ Mar 27, 2026 પર 5:16 PM
શેરબજારમાં હાહાકાર! સેન્સેક્સ 1690 પોઈન્ટ તૂટ્યો, છતાં આ 5 શેરોમાં 14% સુધીનો ઉછાળો, જાણો ટોપ ગેનર્સ અને લૂઝર્સશેરબજારમાં હાહાકાર! સેન્સેક્સ 1690 પોઈન્ટ તૂટ્યો, છતાં આ 5 શેરોમાં 14% સુધીનો ઉછાળો, જાણો ટોપ ગેનર્સ અને લૂઝર્સ
5 શેરોમાં 14% સુધીનો ઉછાળો, જાણો ટોપ ગેનર્સ અને લૂઝર્સ

Share Market Crash Today: લગભગ બે દિવસની શાનદાર તેજી બાદ 27 માર્ચે ભારતીય શેરબજારમાં મોટો ભૂકંપ આવ્યો છે. બજારમાં આજે ચોતરફા વેચવાલી જોવા મળી હતી. ટ્રેડિંગ સેશનના અંતે સેન્સેક્સ (Sensex) 1690.23 પોઈન્ટના મોટા કડાકા સાથે 73,583.22ના સ્તર પર બંધ થયો હતો. જ્યારે નિફ્ટી (Nifty) પણ 486.85 પોઈન્ટ લપસીને 22,819.60 ના સ્તર પર આવી ગયો છે.

આજના દિવસે બજારના તમામ સેક્ટોરલ ઈન્ડેક્સ લાલ નિશાનમાં બંધ થયા છે. જેમાં સૌથી મોટો ફટકો બેન્કિંગ અને કેમિકલ સેક્ટરને પડ્યો છે. નિફ્ટી PSU બેન્ક ઈન્ડેક્સમાં 4 ટકાથી વધુનો ઘટાડો નોંધાયો છે, જ્યારે કેમિકલ ઈન્ડેક્સ 3 ટકાથી વધુ તૂટ્યો છે.

આવા ખરાબ માહોલ વચ્ચે પણ બજારમાં કેટલાક શેરો એવા હતા જેમાં રોકાણકારોએ ધૂમ ખરીદી કરી છે. ચાલો જાણીએ આજના બજારના ટોપ ગેનર્સ (જેમણે નફો કરાવ્યો) અને ટોપ લૂઝર્સ (જેમણે નુકસાન કરાવ્યું) શેરો વિશે.

આજના ટોપ ગેનર્સ (Top Gainers): કયા શેરોમાં રહી તેજી?

ભારે વેચવાલી વચ્ચે પણ નીચે મુજબના 5 શેરોએ રોકાણકારોને ખુશ કરી દીધા છે:

HEG (હાલનો ભાવ 573.80 | ઉછાળો +14.25%): આ શેરમાં આજે અદભુત તેજી જોવા મળી. તેનું મુખ્ય કારણ એ છે કે અમેરિકન કંપની GrafTech International એ ગ્રેફાઇટ ઇલેક્ટ્રોડની કિંમતોમાં $600 થી $1,200 પ્રતિ ટનનો વધારો કર્યો છે. આંતરરાષ્ટ્રીય બજારમાં ભાવ વધતા ભારતીય ગ્રેફાઇટ મેકર્સના શેરોમાં આગ ઝરતી તેજી આવી છે.

ACME Solar Holdings (હાલનો ભાવ 269.30 | ઉછાળો +6.09%): કંપનીની સબસિડિયરી 'ACME ઇકો ક્લીન એનર્જી પ્રાઇવેટ લિમિટેડે' ગુજરાતના સુરેન્દ્રનગર જિલ્લાના સાયલા તાલુકાના ઢાંકણિયા ગામમાં 100 MW ના વિન્ડ પાવર પ્રોજેક્ટમાંથી વધુ 4 MW ક્ષમતા ચાલુ કરી દીધી છે. આ સિવાય ઇન્વેસ્ટેક (Investec) દ્વારા આ શેર પર 'Buy' રેટિંગ આપતા શેરમાં તેજી જોવા મળી છે.

બધા સમાચાર

+ વધુુ વાંચો