સપ્તાહના અંતિમ દિવસે શેરબજારમાં તેજી, સેન્સેક્સ 227 પોઈન્ટ વધ્યો, રોકાણકારોએ રુપિયા 37,000 કરોડની કરી કમાણી

Share Market Today: ભારતીય શેરબજારો આજે 27મી ડિસેમ્બરે સપ્તાહના છેલ્લા દિવસે વધારા સાથે બંધ થયા છે. સેન્સેક્સ 227 પોઈન્ટ ઉછળ્યો હતો. જ્યારે નિફ્ટી 23,800ને પાર કરી ગયો હતો. જેના કારણે શેરબજારના રોકાણકારોની સંપત્તિમાં આજે લગભગ 38,000 કરોડ રૂપિયાનો વધારો થયો છે. આજના કારોબાર દરમિયાન ઓટો, ફાર્મા અને આઈટી શેરોમાં સૌથી વધુ ઉછાળો જોવા મળ્યો હતો. બીજી તરફ મેટલ, ઓઇલ એન્ડ ગેસ, પાવર અને રિયલ્ટી શેર્સમાં વેચવાલી જોવા મળી હતી. બ્રોડર માર્કેટનો ટ્રેન્ડ મિશ્ર રહ્યો હતો. બીએસઈનો મિડકેપ ઈન્ડેક્સ 0.08 ટકાના ઘટાડા સાથે બંધ થયો હતો, જ્યારે સ્મોલકેપ ઈન્ડેક્સ 0.28 ટકાના વધારા સાથે બંધ થયો હતો.

ટ્રેડિંગના અંતે BSE સેન્સેક્સ 226.59 પોઈન્ટ અથવા 0.29 ટકાના વધારા સાથે 78,699.07 પર બંધ રહ્યો હતો. જ્યારે એનએસઈનો 50 શેરવાળો ઈન્ડેક્સ નિફ્ટી 63.20 પોઈન્ટ અથવા 0.27 ટકાના વધારા સાથે 23,813.40 પર બંધ થયો હતો.

રોકાણકારોએ રુપિયા 38,000 કરોડની કમાણી કરી 

BSE પર લિસ્ટેડ કંપનીઓની કુલ માર્કેટ કેપિટલાઇઝેશન આજે 27 ડિસેમ્બરે વધીને રૂ. 442.39 લાખ કરોડ થઈ છે, જે તેના પાછલા ટ્રેડિંગ દિવસે એટલે કે ગુરુવાર, ડિસેમ્બર 26ના રોજ રૂ. 442.01 લાખ કરોડ હતી. આ રીતે, BSE માં લિસ્ટેડ કંપનીઓના માર્કેટ કેપમાં આજે લગભગ રૂ. 38,000 કરોડનો વધારો થયો છે. અથવા બીજા શબ્દોમાં કહીએ તો રોકાણકારોની સંપત્તિમાં આશરે રૂ. 38,000 કરોડનો વધારો થયો છે.