Stocks to Watch: અઠવાડિયાના પ્રથમ કારોબારી દિવસે ગિફ્ટ નિફ્ટી (Gift Nifty) તરફથી ભારતીય શેરબજાર માટે ખૂબ જ પોઝિટિવ સંકેતો મળી રહ્યા છે. અમેરિકા અને ઈરાન વચ્ચે થયેલા કરાર તથા કાચા તેલ (Crude Oil)ના ભાવમાં આવેલી નરમીને કારણે ગ્લોબલ માર્કેટમાં સારો માહોલ છે. હાલમાં ગિફ્ટ નિફ્ટી 345.00 પોઈન્ટ્સ (1.46%)ના ઉછાળા સાથે 23973.50 પર ટ્રેડ કરી રહ્યો છે.
Stocks to Watch: વેદાંતાની નવી કંપનીઓનું લિસ્ટિંગ, મીશો અને નેસ્લે સહિત આ શેરોમાં આજે જોવા મળશે મોટી હલચલ
Stocks to Watch: આજે શેરબજારમાં ગિફ્ટ નિફ્ટીના મજબૂત સંકેતો વચ્ચે વેદાંતા, મીશો, નેસ્લે અને રિલાયન્સ સહિતના શેરો પર નજર રહેશે. જાણો ઇન્ટ્રા-ડે માટે કયા સ્ટોક્સ રહેશે ફોકસમાં.
MoneyControl Newsઅપડેટેડ Jun 15, 2026 પર 8:35 AM
તમને જણાવી દઈએ કે છેલ્લા કારોબારી સત્ર 12 જૂનમાં સેન્સેક્સ 1695.40 પોઈન્ટ્સ એટલે કે 2.30%ના જંગી ઉછાળા સાથે 75527.95 ની સપાટીએ બંધ થયો હતો. તેવી જ રીતે નિફ્ટી 50 પણ 461.30 પોઈન્ટ્સ 1.99%ની મજબૂતી સાથે 23622.90 પર બંધ રહ્યો હતો. આજના ટ્રેડિંગ સેશનમાં ઇન્ટ્રા-ડે માટે ખાસ કોર્પોરેટ એક્ટિવિટીઝને કારણે કેટલાક શેરોમાં ભારે હલચલ જોવા મળી શકે છે. ચાલો જોઈએ આખી લિસ્ટ.
આજે આ સ્ટોક્સ પર રહેશે સીધી નજર (Stocks in Focus)
Vedanta (વેદાંતા): ડીમર્જર બાદ આજે વેદાંતા ઓઇલ એન્ડ ગેસ, વેદાંતા પાવર, વેદાંતા એલ્યુમિનિયમ મેટલ અને વેદાંતા આયર્ન એન્ડ સ્ટીલના શેરોનું માર્કેટમાં ધમાકેદાર એન્ટ્રી (લિસ્ટિંગ) થવા જઈ રહી છે. રોકાણકારોની આના પર ખાસ નજર રહેશે.
Reliance Industries (રિલાયન્સ): WIPO ના તાજેતરના રિપોર્ટ મુજબ રિલાયન્સની પેટાકંપની જિયો પ્લેટફોર્મ્સે દુનિયાની ટોપ 20 કંપનીઓમાં સ્થાન મેળવ્યું છે. માર્ચ 2026 સુધીના ડેટા મુજબ જિયોએ કુલ 6817 પેટન્ટ ફાઈલ કરી છે, જેમાંથી 1009 પેટન્ટ્સને મંજૂરી મળી ગઈ છે.
Meesho (મીશો): ઈ-કોમર્સ પ્લેટફોર્મ મીશોએ કમ્યુનિટી-બેઝ્ડ B2B પ્લેટફોર્મ ‘કિરાના ક્લબ'ને 202.08 કરોડ રૂપિયામાં ખરીદવાની જાહેરાત કરી છે. આ ડીલ ત્રણ હપ્તામાં પૂરી થશે.
Nestle India (નેસ્લે): મેગી નૂડલ્સમાં જીવડાં નીકળવાના આરોપોને નેસ્લે ઇન્ડિયાએ સદંતર ફગાવી દીધા છે. કંપનીએ સ્પષ્ટતા કરી છે કે ફરિયાદ કરનાર વ્યક્તિનો સંપર્ક થઈ શકતો નથી અને હજુ સુધી તેમને તપાસ માટેનું સેમ્પલ મળ્યું નથી.
JSW Energy (જેએસડબ્લ્યુ એનર્જી): કંપનીએ મારુતિ ક્લીન કોલ એન્ડ પાવર (MCCPL) ના 100% શેર 1410 કરોડ રૂપિયામાં ખરીદવા માટે એગ્રીમેન્ટ કર્યા છે. આ ઉપરાંત કંપનીએ 150 MW નો હાઈડ્રો પ્રોજેક્ટ પણ ચાલુ કર્યો છે, જેથી તેમની કુલ કેપેસિટી 13900 MW થઈ ગઈ છે.
NLC India: માઇન્સ મિનિસ્ટ્રી દ્વારા યોજાયેલી ઈ-હરાજીમાં કંપનીએ તેલંગાણામાં ગોવિંદપુર બ્લોક (વેનેડિયમ અને ટાઇટેનિયમ માટે) ની સફળ બોલી લગાવી છે.
Dr Reddy’s Laboratories (ડો. રેડ્ડીઝ): કંપનીએ અમેરિકામાં કેન્સરની સારવાર માટેની દવા 'બોસુલિફ' નું જેનરિક વર્ઝન (400 mg) લોન્ચ કર્યું છે. અમેરિકામાં આ દવાનું મોટું માર્કેટ છે.
Ashoka Buildcon (અશોકા બિલ્ડકોન): રાયપુરમાં PPP મોડલ હેઠળ જેમ્સ એન્ડ જ્વેલરી પાર્ક બનાવવા માટે કંપનીને છત્તીસગઢ સરકાર તરફથી 112.40 કરોડ રૂપિયાનો પ્રોજેક્ટ મળ્યો છે.
Power Grid (પાવર ગ્રીડ): કાકીનાડા વિસ્તારમાં ગ્રીન હાઈડ્રોજન અને ગ્રીન એમોનિયા પ્રોજેક્ટ્સ માટે ટ્રાન્સમિશન સિસ્ટમ બનાવવા કંપનીએ સફળ બોલી લગાવી છે.
અન્ય મહત્વના કોર્પોરેટ અપડેટ્સ:
Krishna Institute of Medical Sciences (KIMS): પ્રમોટર ગ્રુપને 779 રૂપિયા પ્રતિ વોરંટના ભાવે 600 કરોડ રૂપિયાના વોરંટ ફાળવવાની મંજૂરી મળી છે.
Aurobindo Pharma: અમેરિકન રેગ્યુલેટર FDA દ્વારા તેલંગાણામાં આવેલી કંપનીની યુગિયા યુનિટ-III ની તપાસ કરવામાં આવી હતી, જેમાં 11 ઓબ્ઝર્વેશન જારી કરવામાં આવ્યા છે.
Hindustan Petroleum (HPCL): નાણાકીય વર્ષ 2026 માટે કંપનીએ શેર દીઠ 19.25 રૂપિયાના ફાઇનલ ડિવિડન્ડની જાહેરાત કરી છે, જેની રેકોર્ડ ડેટ 14 ઓગસ્ટ છે.
RBL Bank: 12 જૂનથી બેંકના નવા ચીફ ફાઇનાન્શિયલ ઓફિસર (CFO) તરીકે ભાવિન લખપતવાલાની નિમણૂક કરવામાં આવી છે.
Karur Vysya Bank: બેંકે 3 વર્ષ કે તેથી વધુની મુદતવાળી FCNR (US Dollar) ડિપોઝિટ પર વ્યાજ દર વધારીને વાર્ષિક 7% કરી દીધો છે.
બલ્ક ડીલ્સ અને માર્કેટ એક્શન
Sanofi India: નિપ્પોન ઇન્ડિયા મ્યુચ્યુઅલ ફંડે 3150 રૂપિયાના ભાવે 83.19 કરોડ રૂપિયાના શેર ખરીદ્યા છે. જ્યારે HDFC લાઈફ ઈન્શ્યોરન્સે આ જ ભાવે 86.62 કરોડ રૂપિયાના શેર વેચ્યા છે.
Ex-Date: આજે SMC Global Securities ના ડિવિડન્ડ માટેની એક્સ-ડેટ છે.
F&O Ban: આજે Kaynes Technology India ના શેરમાં F&O માં નવી પોઝિશન નહીં બનાવી શકાય.
Disclaimer: મનીકંટ્રોલ.કોમ પર આપવામાં આવેલી સલાહ કે વિચારો એક્સપર્ટ/બ્રોકરેજ ફર્મના અંગત મંતવ્યો છે. વેબસાઇટ કે તેનું મેનેજમેન્ટ તેના માટે જવાબદાર નથી. યુઝર્સને મનીકંટ્રોલ દ્વારા સલાહ આપવામાં આવે છે કે કોઈપણ રોકાણનો નિર્ણય લેતા પહેલા હંમેશા પ્રમાણિત નિષ્ણાતની સલાહ લેવી.
પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ, Stock Tips, સમાચાર, પર્સનલ ફાઇનાન્સ અને બિઝનેસ સંબંધિત સમાચાર વાંચો. દૈનિક બજાર અપડેટ્સ માટે Moneycontrol App ડાઉનલોડ કરો.