Share Market Rally: વૈશ્વિક બજારોના સકારાત્મક સંકેતોને પગલે આજે ભારતીય શેર બજારમાં જબરદસ્ત રોનક જોવા મળી છે. શરુઆતના કારોબારમાં જ સેન્સેક્સ (Sensex) અને નિફ્ટી 50 (Nifty 50) 1 ટકાથી વધુ ઉછળી ગયા હતા. ખાસ કરીને સરકારી બેંકો (PSU Banks) તરફથી મળેલા મજબૂત સપોર્ટના કારણે બજારમાં તેજીનો પવન ફૂંકાયો છે.
શેર બજારમાં તોફાની તેજી: PSU બેંકોના સપોર્ટથી સેન્સેક્સમાં 1000 પોઈન્ટનો ઉછાળો, નિફ્ટી 23450ને પાર, જાણો આ 5 મોટા કારણો
Share Market Rally: આજે શેર બજારમાં શાનદાર તેજી જોવા મળી છે. વૈશ્વિક સંકેતો અને PSU બેંકોના સપોર્ટથી સેન્સેક્સ 1000 પોઈન્ટ ઉછળ્યો, જ્યારે નિફ્ટી 23450 ને પાર કરી ગયો છે. જાણો બજારની તેજીના 5 મુખ્ય કારણો.
MoneyControl Newsઅપડેટેડ Jun 12, 2026 પર 11:03 AM
કેવો રહ્યો બજારનો ટ્રેન્ડ?
અગાઉના ટ્રેડિંગ સેશનમાં 12 જૂને સેન્સેક્સ 150.63 પોઈન્ટ (0.20%) ના ઘટાડા સાથે 73,832.55 પર અને નિફ્ટી 53.35 પોઈન્ટ (0.23%) ઘટીને 23,161.60 પર બંધ થયો હતો. પરંતુ આજે માર્કેટ ખૂલતાની સાથે જ 1-1% નો શાનદાર ઉછાળો નોંધાયો હતો.
સવારે 10:45 વાગ્યા સુધીમાં સેન્સેક્સ 714.34 પોઈન્ટ (0.97%) વધીને 74,546.89 પર ટ્રેડ કરી રહ્યો હતો, જ્યારે નિફ્ટી 188.85 પોઈન્ટ (0.82%) ના ઉછાળા સાથે 23,350.45 પર જોવા મળ્યો હતો. ઉલ્લેખનીય છે કે, શરૂઆતના કારોબારમાં સેન્સેક્સ 1026.61 પોઈન્ટ ઉછળીને 74,859.16 અને નિફ્ટી 294.35 પોઈન્ટના વધારા સાથે 23,455.95 ની ટોચે પહોંચી ગયો હતો. બ્રોડર માર્કેટમાં પણ સારી એવી ખરીદી જોવા મળી રહી છે, જ્યાં નિફ્ટી મિડકેપ 100 અને સ્મોલકેપ 100 માં લગભગ 1.5% નો વધારો જોવા મળ્યો છે.
શેર બજારમાં આજના ઉછાળાના 5 મુખ્ય કારણો:
1. અમેરિકા અને ઈરાન વચ્ચે સુલેહની આશા
અમેરિકી રાષ્ટ્રપતિ ડોનાલ્ડ ટ્રમ્પે આ વીકેન્ડ સુધીમાં ઈરાન સાથે શાંતિ કરાર થવાની સંભાવના વ્યક્ત કરી છે. આનાથી હોર્મુઝ સ્ટ્રેટ ફરીથી ખૂલવાની આશા જાગી છે, જેના કારણે દુનિયાભરના બજારોમાં સકારાત્મક માહોલ બન્યો છે.
2. કાચા તેલના ભાવમાં ઘટાડો
અમેરિકા અને ઈરાન વચ્ચેના તણાવમાં ઘટાડો થવાની આશાએ ગ્લોબલ બેન્ચમાર્ક બ્રેન્ટ ક્રૂડના ભાવ ગગડીને 90 ડોલર પ્રતિ બેરલની નીચે આવી ગયા છે. હાલમાં તે 2% ના ઘટાડા સાથે 88.77 ડોલર પ્રતિ બેરલ પર ટ્રેડ કરી રહ્યું છે.
3. રૂપિયાની મજબૂતી
આજે ઘરેલુ બજારને ભારતીય રૂપિયાની મજબૂતીનો પણ ફાયદો મળ્યો છે. અમેરિકા-ઈરાન ડીલની શક્યતાઓ વચ્ચે શરૂઆતના કારોબારમાં એક અમેરિકન ડોલર સામે રૂપિયો 39 પૈસાની મજબૂતી સાથે 95.37 પર ખૂલ્યો હતો.
4. એશિયન અને વૈશ્વિક બજારોમાં તેજી
જિયોપોલિટિકલ ટેન્શન ઘટવાની આશાએ એશિયન બજારોમાં ભારે ઉછાળો આવ્યો છે. દક્ષિણ કોરિયાનો કોસ્પી 8% અને જાપાનનો નિક્કેઈ 4% મજબૂત થયો છે. આ ઉપરાંત તાઈવાન વેઈટેડમાં 2.5%, હોંગકોંગના હેંગસેંગમાં 2% અને ચીનના શંઘાઈ કમ્પોઝિટમાં 1% નો વધારો નોંધાયો છે. અમેરિકી બજારો પણ ગઈકાલે રાત્રે શાનદાર તેજી સાથે બંધ થયા હતા.
5. સરકારી બેંકોનો મજબૂત સપોર્ટ
શરૂઆતમાં નિફ્ટીના તમામ સેક્ટર ગ્રીન ઝોનમાં હતા. જોકે, પ્રોફિટ બુકિંગના કારણે આઈટી સેક્ટરમાં થોડી નબળાઈ દેખાઈ છે, પરંતુ નિફ્ટી PSU બેંક ઈન્ડેક્સમાં 1.5% થી વધુ અને પ્રાઈવેટ બેંકમાં 1% ના ઉછાળાએ બજારને નીચે પડતા બચાવી લીધું છે. આ ઉપરાંત રિયલ્ટીમાં 1.5%, અને ફાર્મા, મેટલ તથા FMCG સેક્ટરમાં પણ અડધા ટકાની તેજી જોવા મળી છે.
ડિસ્ક્લેમર: આ લેખમાં આપેલી માહિતી માત્ર એજ્યુકેશન અને જાણકારીના હેતુથી છે. શેર બજારમાં રોકાણ એ બજારના જોખમોને આધીન છે. કોઈપણ શેરમાં પૈસા રોકતા પહેલા હંમેશા તમારા સર્ટિફાઈડ ફાઇનાન્શિયલ એક્સપર્ટની સલાહ ચોક્કસ લો.
Disclaimer: મનીકંટ્રોલ.કોમ પર આપવામાં આવેલી સલાહ કે વિચારો એક્સપર્ટ/બ્રોકરેજ ફર્મના અંગત મંતવ્યો છે. વેબસાઇટ કે તેનું મેનેજમેન્ટ તેના માટે જવાબદાર નથી. યુઝર્સને મનીકંટ્રોલ દ્વારા સલાહ આપવામાં આવે છે કે કોઈપણ રોકાણનો નિર્ણય લેતા પહેલા હંમેશા પ્રમાણિત નિષ્ણાતની સલાહ લેવી.
પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ, Stock Tips, સમાચાર, પર્સનલ ફાઇનાન્સ અને બિઝનેસ સંબંધિત સમાચાર વાંચો. દૈનિક બજાર અપડેટ્સ માટે Moneycontrol App ડાઉનલોડ કરો.