UPI પેમેન્ટઃ પ્રીપેડ વોલેટથી પેમેન્ટ કરવાનું વધુ સરળ બન્યુ, જાણો સંપૂર્ણ પ્રક્રિયા

આજના સમયમાં UPI સામાન્ય લોકોના જીવનનો એક મહત્વપૂર્ણ ભાગ બની ગયો છે. લોકો બેન્ક એકાઉન્ટ નંબર વગર જ મોબાઈલ નંબર દ્વારા સરળતાથી એક ખાતામાંથી બીજા ખાતામાં નાણાં ટ્રાન્સફર કરી શકે છે. નાણાંની લેવડદેવડ કરવા માટે, UPI યુઝર્સ બે રીતે નાણાં બચાવી અને ટ્રાન્સફર કરી શકે છે.

પ્રથમ રસ્તો એ છે કે QR કોડ સ્કેન કરીને તમારા બેન્ક ખાતામાંથી સીધા જ બીજાના ખાતામાં નાણાંની લેવડદેવડ કરો. બીજા વિકલ્પમાં, તે UPI એપના વોલેટમાં નાણાં સ્ટોર કરીને અથવા ક્રેડિટ કાર્ડ દ્વારા પેમેન્ટ કરો.

UPI પેમેન્ટ વોલેટ દ્વારા પણ કરી શકાય છે

નેશનલ પેમેન્ટ્સ કોર્પોરેશન ઓફ ઇન્ડિયાએ પ્રીપેડ પેમેન્ટ ઇન્સ્ટ્રુમેન્ટ્સને ઇન્ટરઓપરેબલ UPI ઇકોસિસ્ટમનો એક ભાગ બનાવ્યો છે. આવી સ્થિતિમાં યુઝર્સ હવે વોલેટ દ્વારા બીજા એકાઉન્ટમાં પૈસા ટ્રાન્સફર કરી શકે છે, પરંતુ આ માટે માત્ર એક જ શરત પૂરી કરવી પડશે. તે વેપારીએ આ સુવિધા પસંદ કરી હશે.આ સુવિધા પસંદ કરવા માટે, તે વેપારીએ 1.1 ટકાનો ઇન્ટરચેન્જ ચાર્જ ચૂકવવો પડશે. આ ચાર્જ માત્ર PPI મર્ચન્ટ ટ્રાન્ઝેક્શન પર જ લાગુ થશે અને આ માટે ગ્રાહકોએ કોઈપણ પ્રકારની ફી ચૂકવવાની રહેશે નહીં. ધ્યાનમાં રાખો કે આ PPI ચાર્જ 2,000 રૂપિયાથી વધુની રકમ પર જ લાગુ થશે.