શું મોદી અને ટ્રમ્પ વચ્ચેની આડકરતી વાતચીતથી શેરબજાર પર કોઈ અસર થશે? જાણો નિષ્ણાતો શું કહે છે?

Modi-Trump talks: વડાપ્રધાન નરેન્દ્ર મોદી અને અમેરિકાના રાષ્ટ્રપતિ ડોનાલ્ડ ટ્રમ્પ વચ્ચેની તાજેતરની વાતચીતે ભારત-અમેરિકા સંબંધોમાં નવો ઉત્સાહ લાવ્યો છે. આ વાતચીતને શેર બજારે પણ પોઝિટિવ નજરે જોઈ રહ્યું છે, પરંતુ એક્સપર્ટ્સનું કહેવું છે કે જ્યાં સુધી બંને દેશો વચ્ચે નક્કર ટ્રેડ ડીલ નહીં થાય, ત્યાં સુધી રોકાણકારોએ સાવધાની રાખવી પડશે.

ઇકિગાઇ એસેટ મેનેજમેન્ટના ફાઉન્ડર અને ચીફ ઇન્વેસ્ટમેન્ટ ઓફિસર પંકજ તિબરેવાલે જણાવ્યું, “આ વાતચીત એક સ્વાગતપૂર્ણ પગલું છે, જે શેર બજારના સેન્ટિમેન્ટને મજબૂત કરી શકે છે. પરંતુ ટ્રેડ ડીલ પર હસ્તાક્ષર ન થાય ત્યાં સુધી રોકાણકારોનો રૂખ સાવધનો રહેશે.” તેમણે ઉમેર્યું કે શેર બજાર હાલ અસમંજસમાં છે, કારણ કે ટ્રમ્પની ટિપ્પણીઓ અને નીતિઓમાં વારંવાર ફેરફાર થતો રહે છે.

ટ્રમ્પે તાજેતરમાં સોશિયલ મીડિયા પોસ્ટમાં ભારત-અમેરિકા સંબંધોને “ખાસ” ગણાવીને મોદી સાથેની દોસ્તીની વાત કરી હતી. આના જવાબમાં મોદીએ પણ આ સંબંધોને વ્યાપક અને દૂરદર્શી ગણાવ્યા હતા. આ વાતચીત બંને દેશો વચ્ચે ટેરિફ અને વેપારને લઈને ચાલી રહેલી તનાતની બાદ એક સકારાત્મક સંકેત તરીકે જોવામાં આવી રહી છે.

જોકે, ભૂતપૂર્વ રાજદૂત વેણુ રાજામણીએ ચેતવણી આપી કે ટ્રમ્પના નિવેદનોમાં અનિશ્ચિતતા રહે છે. તેમણે કહ્યું, “ટ્રમ્પની અણધારી નીતિઓને કારણે ભારતે સાવચેત રહેવું જોઈએ. એક વાતચીતથી બધું નક્કી થઈ જશે એવું નથી.”

ઓબ્ઝર્વર રિસર્ચ ફાઉન્ડેશનના હર્ષ વી. પંતનું પણ આવું જ માનવું છે. તેમણે જણાવ્યું કે ભારતે છેલ્લા કેટલાક મહિનામાં સંતુલિત અભિગમ અપનાવ્યો છે, પરંતુ ટ્રમ્પની ‘મેગાફોન ડિપ્લોમસી’ અને જાહેર દબાણની રણનીતિ ચાલુ રહેશે તો ભવિષ્યમાં પડકારો ઊભા થઈ શકે છે.

આ બધા વચ્ચે શેર બજારમાં ઉતાર-ચઢાવ જોવા મળી શકે છે. એક્સપર્ટ્સનું માનવું છે કે જો ભારત અને અમેરિકા વચ્ચે ટ્રેડ ડીલ થશે તો સેન્સેક્સ અને નિફ્ટીમાં ઉછાળો જોવા મળી શકે છે, પરંતુ ત્યાં સુધી રોકાણકારોએ ધીરજ અને સાવધાની રાખવી જરૂરી છે.

ડિસ્ક્લેમર: આ લેખમાં રજૂ કરાયેલા વિચારો અને સલાહ એક્સપર્ટ્સના છે. રોકાણના નિર્ણયો લેતા પહેલાં સર્ટિફાઇડ ફાઇનાન્શિયલ એડવાઇઝરની સલાહ લેવી જરૂરી છે.