માત્ર PAN નંબરથી મળશે તમારા મ્યુચ્યુઅલ ફંડ SIPનો સંપૂર્ણ હિસાબ!

શું તમે તમારા મ્યુચ્યુઅલ ફંડ રોકાણનો હિસાબ રાખવા માટે દરેક ફંડ હાઉસની વેબસાઈટ પર જવું પડે છે? હવે ચિંતા ન કરો! તમારો PAN નંબર હવે તમારા બધા મ્યુચ્યુઅલ ફંડ રોકાણોની માહિતી એક જ જગ્યાએ લાવી શકે છે. SEBIના નવા નિયમો અને CAMS, KFintech, MF Central જેવી ટેકનોલોજીકલ સુવિધાઓએ રોકાણકારો માટે પોર્ટફોલિયો ટ્રેકિંગને ખૂબ જ સરળ બનાવી દીધું છે. આ નવી સિસ્ટમ દ્વારા તમે એક જ ક્લિકમાં તમારા SIP, રિટર્ન અને પોર્ટફોલિયોની સ્થિતિ જાણી શકો છો.

PAN નંબર: રોકાણની દુનિયાની માસ્ટર કી

PAN કાર્ડ હવે માત્ર ટેક્સ ફાઇલિંગ માટે જ નથી, પરંતુ તે રોકાણ, બેન્કિંગ, પ્રોપર્ટી અને અન્ય નાણાકીય રેકોર્ડ્સનું કેન્દ્રીય ઓળખનું સાધન બની ગયું છે. તમારા PAN નંબરની મદદથી, તમે તમારા બધા મ્યુચ્યુઅલ ફંડ રોકાણોની વિગતો એક જ Consolidated Account Statement (CAS)માં જોઈ શકો છો. આ CAS તમારા PAN સાથે જોડાયેલા બધા ફંડ હાઉસ અને સ્કીમ્સની માહિતી એક જગ્યાએ રજૂ કરે છે, ભલે તમે SIP, લમ્પસમ કે ટેક્સ-સેવિંગ રોકાણ કર્યું હોય.

કેવી રીતે ટ્રેક કરશો તમારા રોકાણ?

રોકાણકારો CAMS Online, KFintech, MF Central, NSDL કે CDSLની વેબસાઈટ પર જઈને ‘Request CAS’ અથવા ‘View Portfolio’ ઓપ્શન પસંદ કરી શકે છે. આ પ્રક્રિયા ખૂબ જ સરળ છે:

PAN નંબર દાખલ કરો: તમારો PAN નંબર, રજિસ્ટર્ડ ઈમેલ ID અથવા મોબાઈલ નંબર અને જન્મ તારીખ દાખલ કરો.

OTP વેરિફિકેશન: OTP દ્વારા તમારી ઓળખની ચકાસણી કરો.