દિલ્હીના CM કેજરીવાલે કહ્યું- '2 દિવસ પછી રાજીનામું આપીશ', જાણો કેમ બે દિવસ પછી જ રાજીનામું આપશે?

દિલ્હી લિકર પોલિસીમાં કથિત કૌભાંડમાં તિહાર જેલમાં સજા કાપી રહેલા મુખ્યમંત્રી અરવિંદ કેજરીવાલને સુપ્રીમ કોર્ટે શરતી જામીન મંજૂર કર્યા છે. કોર્ટમાંથી જામીન મળ્યા બાદ જેલમાંથી બહાર આવતાની સાથે જ કેજરીવાલે દિલ્હીના મુખ્યમંત્રી પદેથી રાજીનામું આપવાની જાહેરાત કરીને રાજકારણમાં હલચલ મચાવી દીધી છે. અરવિંદ કેજરીવાલે કહ્યું છે કે તેઓ આગામી 2 દિવસમાં મુખ્યમંત્રી પદ પરથી રાજીનામું આપી દેશે. તો આવી સ્થિતિમાં સવાલ એ ઊભો થાય છે કે જો રાજીનામું આપવું જ પડશે તો બે દિવસની રાહ શા માટે? આજે રવિવાર છે, સોમવાર રજા છે, એટલા માટે અરવિંદ કેજરીવાલે કહ્યું કે તેઓ બે દિવસ પછી રાજીનામું આપી દેશે. અરવિંદ કેજરીવાલ મંગળવારે સીએમ પદ પરથી રાજીનામું આપશે.

દિલ્હીની ચૂંટણી નવેમ્બરમાં થવી જોઈએઃ કેજરીવાલ

કેજરીવાલે કહ્યું કે ભાજપે મારા પર બેઈમાનીનો આરોપ લગાવ્યો છે, હવે જનતાની કોર્ટમાં મારી ઈમાનદારીનો નિર્ણય થશે. બે-ત્રણ દિવસમાં ધારાસભ્યોની બેઠકમાં નવા સીએમની પસંદગી કરવામાં આવશે કેજરીવાલે ચૂંટણી સુધી સીએમની ખુરશી પર નહીં બેસવાની જાહેરાત કરી છે. કેજરીવાલે એમ પણ કહ્યું કે મનીષ સિસોદિયા પણ સીએમ નહીં બને. જનતા કોર્ટ અમને ન્યાય આપશે. કેજરીવાલે માંગ કરી છે કે માત્ર મહારાષ્ટ્રમાં જ નહીં પરંતુ દિલ્હીમાં પણ નવેમ્બરમાં ચૂંટણી થવી જોઈએ.

કેજરીવાલે જનતાને કરી અપીલ - તમે મને પ્રમાણપત્ર આપો