Winter session 2024: સંસદના શિયાળુ સત્રમાં ગુંજશે અદાણીનો મુદ્દો, વિપક્ષે સર્વપક્ષીય બેઠકમાં સરકાર સમક્ષ ઉઠાવી આ માંગો

Winter session 2024: આવતીકાલે એટલે કે 25મી નવેમ્બરથી શરૂ થઈ રહેલા સંસદના શિયાળુ સત્રમાં ફરી એકવાર અદાણી મુદ્દાનો પડઘો સંભળાશે. શિયાળુ સત્ર પહેલા બોલાવવામાં આવેલી સર્વપક્ષીય બેઠકમાં કોંગ્રેસે અદાણી ગ્રુપ સામે લાંચના આરોપો પર ચર્ચાની માંગ કરી હતી. આ સિવાય વિપક્ષી પાર્ટીએ મણિપુર મુદ્દા, ઉત્તર ભારતમાં પ્રદૂષણ અને રેલવે અકસ્માતો પર પણ ચર્ચાની માંગ કરી છે.

કોંગ્રેસના નેતા પ્રમોદ તિવારીએ પત્રકારોને જણાવ્યું હતું કે તેમની પાર્ટીએ સરકારને અદાણી જૂથ વિરુદ્ધ લાંચના આરોપો પર સંસદમાં ચર્ચા કરવાની મંજૂરી આપવા વિનંતી કરી છે. તેમણે કહ્યું કે તેમની પાર્ટી ઈચ્છે છે કે સોમવારે સંસદની બેઠકમાં આ મુદ્દો સૌથી પહેલા ઉઠાવવામાં આવે. રાજ્યસભાના સભ્યએ કહ્યું કે આ દેશના આર્થિક અને સુરક્ષા હિતોને લગતો ગંભીર મુદ્દો છે કારણ કે કંપનીએ તેના સોલાર પાવર પ્રોજેક્ટ્સ માટે અનુકૂળ સોદા મેળવવા માટે રાજકારણીઓ અને અમલદારોને 2,300 કરોડ રૂપિયાથી વધુની ચૂકવણી કરી છે યુએસ પ્રોસિક્યુટર્સે અબજોપતિ ગૌતમ અદાણી પર સાનુકૂળ સોલાર પાવર કોન્ટ્રાક્ટ મેળવવા માટે ભારતીય અધિકારીઓને US$265 મિલિયન (આશરે રૂ. 2,200 કરોડ)ની લાંચ આપવાની યોજનાનો ભાગ હોવાનો આરોપ મૂક્યો છે. નો આરોપ છે. તિવારીએ કહ્યું કે કોંગ્રેસ ઉત્તર ભારતમાં ગંભીર વાયુ પ્રદૂષણ, મણિપુરની સ્થિતિ જે નિયંત્રણ બહાર છે અને રેલ અકસ્માતો જેવા મુદ્દાઓ પર પણ ચર્ચા કરવા માંગે છે. આ બેઠક સંસદીય બાબતોના મંત્રી કિરેન રિજિજુએ બોલાવી હતી.

ભારતીય જનતા પાર્ટી (BJP)ના અધ્યક્ષ જેપી નડ્ડા ઉપરાંત કોંગ્રેસના નેતાઓ જયરામ રમેશ અને ગૌરવ ગોગોઈ, ટી શિવા, હરસિમરત કૌર બાદલ અને અનુપ્રિયા પટેલે બેઠકમાં હાજરી આપી હતી. શિયાળુ સત્ર સોમવારથી શરૂ થશે અને 20 ડિસેમ્બર સુધી ચાલશે.

આ પણ વાંચો - CERT-In Alert: શું આપ Apple પ્રોડક્ટ્સનો ઉપયોગ કરો છો? તો રહો સાવચેત, સરકારી એજન્સીએ આપ્યું એલર્ટ