બિપરજોય બની શકે છે ગંભીર ચક્રવાતી તોફાન, IMDએ આ ભાગોમાં યલો એલર્ટ જાહેર કર્યું, ભારતીય કોસ્ટ ગાર્ડે પણ આપી ચેતવણી

ભારતીય કોસ્ટ ગાર્ડે પણ બિપરજોયને લઈને માછીમારોને ચેતવણી જારી કરી છે. માછીમારોને દરિયો ન ખેડવાનું કહેવામાં આવ્યું છે. ભારતીય કોસ્ટ ગાર્ડ એકમો ગંભીર ચક્રવાતી તોફાન બિપરજોય વચ્ચે જહાજો, એરક્રાફ્ટ અને રડાર સ્ટેશનો દ્વારા માછીમારોને સતત સલાહ મોકલી રહ્યા છે. બિપરજોય ગંભીર ચક્રવાતી વાવાઝોડામાં વિકસી રહ્યું છે ત્યારે ભારતીય કોસ્ટ ગાર્ડ પ્રદેશ-ઉત્તર પશ્ચિમે ગુજરાત, દમણ અને દીવના માછીમારી સમુદાય, નાવિકો અને હિતધારકોને જરૂરી સાવચેતી અને સલામતીના પગલાં લેવાની સલાહ આપવા માટે આઉટરીચ શરૂ કર્યું છે. ગુજરાત માહિતી વિભાગે શનિવારે આ માહિતી આપી હતી.

આ વાવાઝોડું 15 જૂન સુધીમાં ગુજરાતમાં ત્રાટકી શકે છે

IMD અનુસાર, 11 જૂને બપોરે 2.30 વાગ્યા સુધી બિપરજોયની સ્પીડ 5 કિલોમીટર પ્રતિ કલાક હતી. 15 જૂન સુધીમાં કચ્છના દરિયાકાંઠે પહોંચવાની શક્યતા હવામાન વિભાગે વ્યક્ત કરી છે. જો કે કચ્છના દરિયાકાંઠે ત્રાટકવાની ધારણા નથી. આ વાવાઝોડું પોરબંદરથી માત્ર 200-300 કિમી દૂરથી પસાર થઈ શકે છે.

ગાજવીજ સાથે હળવો વરસાદ પડી શકે છે

બિપરજોય વાવાઝોડાને કારણે ગુજરાતમાં આગામી બે દિવસ દરમિયાન 35-40 કિમી પ્રતિ કલાકની ઝડપે પવન ફૂંકાવાની આગાહી કરવામાં આવી છે. સાથે જ ગુજરાતના કેટલાક વિસ્તારોમાં ગાજવીજ સાથે વરસાદની આગાહી કરવામાં આવી છે. આ વાવાઝોડાને કારણે IMDએ કેરળના ઘણા ભાગો જેમ કે તિરુવનંતપુરમ, કોલ્લમ, પથાનમથિટ્ટા, અલપ્પુઝા, કોટ્ટયમ, ઇડુક્કી, કોઝિકોડ અને કન્નુરમાં યલો એલર્ટ જાહેર કર્યું છે.

આ પણ વાંચો - ભારતમાં 10 કરોડ લોકો ડાયાબિટીસથી પીડાય છે અને 31 કરોડથી વધુ લોકો હાઈ બ્લડપ્રેશરથી પીડાય છે, આ રાજ્યોમાં સૌથી વધુ દર્દીઓ