New Guinness World Record: કેનેડાના માઈક જેકે બનાવ્યો ગિનિસ વર્લ્ડ રેકોર્ડ, 6 મિનિટ 49.20 સેકન્ડમાં ખાધા 50થી વધુ સૌથી તીખા મરચાં

New Guinness World Record: વિશ્વમાં લોકો વિવિધ વસ્તુઓ કરતી વખતે રેકોર્ડ બનાવે છે. કેટલાક રેકોર્ડ એવા છે જે ગિનીસ વર્લ્ડ રેકોર્ડમાં નોંધાયેલા છે. સમયાંતરે લોકો ગિનિસ વર્લ્ડ રેકોર્ડમાં પોતાનું નામ નોંધાવે છે. તાજેતરમાં કેનેડાના માઈક જેકે પણ આવું જ કંઈક કર્યું. પરંતુ શું તમે જાણો છો કે માઈકે એવું શું કર્યું જેનાથી તેનું નામ ગિનીસ વર્લ્ડ રેકોર્ડમાં નોંધાયું? આ જાણીને તમને પરસેવો છૂટી જશે. આંખોમાંથી આંસુ પણ આવી શકે છે અને કાનમાંથી ધુમાડો પણ નીકળી શકે છે. સૌથી ઓછા સમયમાં 50 તીખાં મરચાં ખાવાનો રેકોર્ડ માઈકના નામે થઇ ગયો છે.

6 મિનિટ 49.20 સેકન્ડમાં 50 સૌથી તીખાં મરચાં ખાધાં

કેનેડાના માઈક જેકે તાજેતરમાં માત્ર 6 મિનિટ 49.20 સેકન્ડમાં 50 સૌથી તીખાં મરચાં ખાવાનો રેકોર્ડ બનાવ્યો હતો. વિશ્વમાં સૌથી તીખું મરચું કેરોલિના રીપર છે. લોકો માટે 1 કેરોલિના રીપર પણ ખાવું ખૂબ મુશ્કેલ છે. આવી સ્થિતિમાં માઈકે 6 મિનિટ 49.20 સેકન્ડમાં 50 કેરોલિના રીપર્સ ખાઈને બધાને ચોંકાવી દીધા અને ગિનીસ વર્લ્ડ રેકોર્ડમાં પોતાનું નામ નોંધાવ્યું.