વિશ્વભરમાં અત્યારે યુદ્ધ અને તણાવનો માહોલ છે, ત્યારે ભારતે પણ પોતાની દરિયાઈ સુરક્ષા મજબૂત કરવા માટે કમર કસી લીધી છે. છેલ્લા થોડા સમયથી ભારતના પાડોશી દેશો સાથેના સંબંધોમાં ખટાશ આવી છે. પાકિસ્તાન સાથે તો જૂનો વિવાદ છે જ, પરંતુ હવે ચીન અને બાંગ્લાદેશ સાથે પણ સ્થિતિ બદલાઈ રહી છે. આ બદલાતા સમીકરણોને પહોંચી વળવા માટે ભારતીય નૌસેના બંગાળની ખાડીમાં પોતાનો દબદબો વધારવા જઈ રહી છે. ભારત હવે પશ્ચિમ બંગાળના હલ્દિયામાં એક નવો નેવી બેઝ તૈયાર કરવા જઈ રહ્યું છે. આ સમાચાર સાંભળીને ચીન અને બાંગ્લાદેશ ચોક્કસ ચિંતામાં મુકાઈ જશે.
ચીન-બાંગ્લાદેશની ઉંઘ હરામ! બંગાળની ખાડીમાં ભારતનો મોટો દાવ, હલ્દિયામાં બનશે નેવીનું નવું ઠેકાણું
ભારત બંગાળની ખાડીમાં હલ્દિયા ખાતે નવો નેવી બેઝ બનાવી રહ્યું છે. આ પગલાંથી ચીન અને બાંગ્લાદેશ પર બાજ નજર રહેશે. જાણો આ હાઈ-ટેક બેઝની ખાસિયતો અને ભારતની રણનીતિ વિશે.
અપડેટેડ 05:38:14 PM Jan 11, 2026 પર
છેલ્લા કેટલાક સમયથી ભારત સાથેના સંબંધો બગડતા ચીન અને બાંગ્લાદેશ એકબીજાની નજીક આવી રહ્યા છે. ચીન બાંગ્લાદેશના ચટગામ નજીક પોતાનું એક બેઝ બનાવી રહ્યું છે, જે ભારત માટે ચિંતાનો વિષય છે.
બંગાળની ખાડીમાં ભારતની વોલ ઓફ ડિફેન્સ
બંગાળની ખાડી વ્યૂહાત્મક રીતે ભારત માટે ખૂબ મહત્વની છે. હલ્દિયામાં તૈયાર થનારા આ નવા નેવી બેઝ પર ભારતીય સેનાના યુદ્ધ જહાજો તૈનાત કરવામાં આવશે. આ બેઝનો મુખ્ય ઉદ્દેશ્ય ચીન અને બાંગ્લાદેશની શંકાસ્પદ હરકતો પર નજર રાખવાનો અને જરૂર પડે તો જડબાતોડ જવાબ આપવાનો છે. આ નવા ઠેકાણાથી ભારતીય નેવીની તાકાતમાં અનેકગણો વધારો થશે.
કેવા જહાજો તૈનાત થશે?
મળતી માહિતી મુજબ, શરૂઆતના તબક્કામાં હલ્દિયા ડૉક કોમ્પ્લેક્સનો ઉપયોગ નેવી બેઝ તરીકે કરવામાં આવશે. અહીં સુરક્ષા માટે અત્યાધુનિક જહાજો તૈનાત કરાશે. અહીં ફાસ્ટ ઇન્ટરસેપ્ટર ક્રાફ્ટ અને નવા 300 ટન વોટર જેટ ફાસ્ટ એટેક ક્રાફ્ટ તૈનાત કરવામાં આવશે. આ જહાજોની સ્પીડ જબરદસ્ત હશે. તે કલાકના 40 થી 45 નોટિકલ માઇલની ઝડપે સમુદ્રમાં દોડી શકશે. આ હાઈ-સ્પીડ ક્રાફ્ટ દુશ્મનો દ્વારા થતી અચાનક હલચલ કે હુમલાનો સામનો કરવા માટે સૌથી શ્રેષ્ઠ માનવામાં આવે છે.
કોલકાતાથી માત્ર 100 કિમી દૂર હાઈ-ટેક સુવિધા
આ નવો બેઝ પશ્ચિમ બંગાળની રાજધાની કોલકાતાથી આશરે 100 કિલોમીટરના અંતરે બનાવવામાં આવશે. અહીં નેવીના ઉચ્ચ અધિકારીઓ અને નાવિકો સહિત લગભગ 100 જેટલા જવાનોનો કાફલો કાયમી ધોરણે તૈનાત રહેશે. ભલે શરૂઆત નાની હોય, પરંતુ અહીં તમામ સુવિધાઓ એકદમ મોર્ડન અને હાઈ-ટેક હશે, જેથી દરિયાઈ સીમાની સુરક્ષામાં કોઈ ચૂક ન રહી જાય. તમને જણાવી દઈએ કે, હાલમાં ભારતીય નેવીના મુખ્ય બેઝ મુંબઈ, ગોવા, કારવાર, કોચ્ચિ, ચેન્નાઈ, વિશાખાપટ્ટનમ, કોલકાતા અને પોર્ટ બ્લેયરમાં આવેલા છે. હવે હલ્દિયાનું નામ પણ આ લિસ્ટમાં ઉમેરાશે.
ચીન અને બાંગ્લાદેશના ગઠબંધન સામે ભારતનો જવાબ
છેલ્લા કેટલાક સમયથી ભારત સાથેના સંબંધો બગડતા ચીન અને બાંગ્લાદેશ એકબીજાની નજીક આવી રહ્યા છે. ચીન બાંગ્લાદેશના ચટગામ નજીક પોતાનું એક બેઝ બનાવી રહ્યું છે, જે ભારત માટે ચિંતાનો વિષય છે. એટલું જ નહીં, ચીને બાંગ્લાદેશ નેવીને બે સબમરીન પણ આપી છે. પહેલા આ સબમરીનનું નામ 'BNS શેખ હસીના' હતું, પરંતુ સત્તા પલટા બાદ હવે તેનું નામ પણ બદલી નાખવામાં આવ્યું છે. આવી સ્થિતિમાં હલ્દિયા ખાતેનો નવો નેવી બેઝ ગેમ ચેન્જર સાબિત થશે. આ બેઝ દ્વારા ભારત પોતાની કોસ્ટલ સિક્યોરિટી (દરિયાકાંઠાની સુરક્ષા) વધુ મજબૂત કરશે અને દુશ્મનોની દરેક ચાલ પર બાજ નજર રાખી શકશે.
MoneyControl News
પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ, Stock Tips, સમાચાર, પર્સનલ ફાઇનાન્સ અને બિઝનેસ સંબંધિત સમાચાર વાંચો. દૈનિક બજાર અપડેટ્સ માટે Moneycontrol App ડાઉનલોડ કરો.
