Commonwealth games 2030: અમદાવાદ શહેરમાં વર્ષ 2030 માં યોજાનારી પ્રતિષ્ઠિત કોમનવેલ્થ ગેમ્સ પહેલાં શહેરના ટ્રાફિક માળખાને આંતરરાષ્ટ્રીય સ્તરનું બનાવવા માટે અમદાવાદ મ્યુનિસિપલ કોર્પોરેશન દ્વારા એક મેગા પ્લાન તૈયાર કરવામાં આવ્યો છે. શહેરીજનોને ટ્રાફિક જામની સમસ્યામાંથી કાયમી મુક્તિ અપાવવા માટે તંત્ર દ્વારા અંદાજિત 2,600 કરોડના ખર્ચે સાબરમતી નદી પર નવા રિવર બ્રિજ, મેગા એલિવેટેડ કોરિડોર, ફ્લાયઓવર, રેલવે ઓવરબ્રિજ અને અંડરપાસ બનાવવાનું આયોજન શરૂ કરી દેવામાં આવ્યું છે.

