Elon Musk: ઈલોન મસ્ક હાલમાં દુનિયાના સૌથી અમીર વ્યક્તિ છે. તેમની સંપત્તિ જે ઝડપે વધી રહી છે તે જોઈને અનુમાન લગાવવામાં આવી રહ્યું છે કે આ વર્ષના અંત સુધીમાં તેઓ દુનિયાના પહેલા ટ્રિલિયોનેર બની શકે છે. ફોર્બ્સના લેટેસ્ટ લિસ્ટ મુજબ, મસ્કની કુલ સંપત્તિ લગભગ $849.3 Billion છે. આંકડો સાંભળીને કોઈને પણ પ્રશ્ન થાય કે શું મસ્ક પાસે આટલા બધા પૈસા રોકડા પડ્યા હશે? આ અંગે મસ્કે સોશિયલ મીડિયા પર મોટો ખુલાસો કર્યો છે.
Elon Musk: દુનિયાના સૌથી અમીર માણસના ખિસ્સામાં કેટલા રૂપિયા? મસ્કે પોતે જ કર્યો ચોંકાવનારો ખુલાસો
ઈલોન મસ્ક પાસે અબજો ડોલરની સંપત્તિ છે, પરંતુ શું તમને ખબર છે કે તેમની પાસે 'રોકડ' કેટલી છે? મસ્કે પોતે જ આ અંગે ખુલાસો કર્યો છે. જાણો દુનિયાના સૌથી અમીર વ્યક્તિની તિજોરીનું સત્ય.
અપડેટેડ 06:04:13 PM Feb 17, 2026 પર
મસ્કે લખ્યું કે, "મારી કુલ સંપત્તિ લગભગ સંપૂર્ણ રીતે ટેસ્લા અને સ્પેસએક્સમાં મારી ભાગીદારીને કારણે છે.
મારી પાસે 0.1% થી પણ ઓછી રોકડ છે
દુનિયાભરમાં તેમની સંપત્તિ વિશે ચાલી રહેલી ચર્ચાઓ વચ્ચે ઈલોન મસ્કે સોશિયલ મીડિયા પ્લેટફોર્મ X પર પોતાની આર્થિક સ્થિતિ સ્પષ્ટ કરી છે. ઘણા લોકો માને છે કે તેમની પાસે બેંકમાં અબજો રૂપિયા પડ્યા હશે, પરંતુ હકીકત કંઈક અલગ છે.
Elon will create many other millionaires and billionaires as he becomes a trillionaire. The creation of wealth for other individuals isn’t spoken about enough. https://t.co/tVYAOYmaRd pic.twitter.com/xuZTRehlKw
— Nic Cruz Patane (@niccruzpatane) February 15, 2026
મસ્કે લખ્યું કે, "મારી કુલ સંપત્તિ લગભગ સંપૂર્ણ રીતે ટેસ્લા (Tesla) અને સ્પેસએક્સ (SpaceX) માં મારી ભાગીદારીને કારણે છે. મારી પાસે કુલ નેટવર્થના 0.1% થી પણ ઓછી રોકડ રકમ છે." આનો સીધો અર્થ એ છે કે તેમની સંપત્તિ કાગળ પર અને કંપનીના શેર્સના રૂપમાં છે, ન કે બેંક બેલેન્સ કે તિજોરીમાં ભરેલી રોકડ તરીકે.
સંપત્તિ વધવાનો અસલી ફાયદો કોને?
ઘણીવાર એવા આરોપ લાગે છે કે કંપનીઓની પ્રગતિનો બધો ફાયદો માત્ર માલિકને જ મળે છે. આ વાતનો જવાબ આપતા મસ્કે સ્પષ્ટતા કરી કે ટેસ્લા અને સ્પેસએક્સના કર્મચારીઓને પણ સ્ટોક અને સ્ટોક ઓપ્શન્સ આપવામાં આવે છે. જ્યારે કંપની આગળ વધે છે ત્યારે કર્મચારીઓની સંપત્તિમાં પણ વધારો થાય છે.
આ ઉપરાંત, ટેસ્લાનો મોટો હિસ્સો સામાન્ય રોકાણકારો, પેન્શન ફંડ્સ અને ઈન્ડેક્સ ફંડ્સ પાસે છે. મસ્કના મતે, કંપનીની વેલ્યુ વધવાથી સૌથી વધુ ફાયદો આ શેરધારકો અને ત્યાં કામ કરતા કર્મચારીઓને થાય છે.
ટ્રિલિયોનેર બનવાની તૈયારી
આર્થિક નિષ્ણાતોનું માનવું છે કે જો ઈલોન મસ્કની AI કંપની xAI, ટેસ્લા અને સ્પેસએક્સ આ જ ગતિએ ગ્રોથ કરશે, તો તેઓ ટૂંક સમયમાં $1,000 Billionનો આંકડો પાર કરી જશે. જોકે, આટલી વિશાળ સંપત્તિ હોવા છતાં મસ્ક પોતાની પાસે બહુ ઓછી લિક્વિડિટી રાખે છે. તેઓ પોતાનો મોટાભાગનો નફો ફરીથી પોતાની જ કંપનીઓ અને નવી ટેકનોલોજીના વિકાસમાં ઇન્વેસ્ટ કરી દે છે.
MoneyControl News
પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ, Stock Tips, સમાચાર, પર્સનલ ફાઇનાન્સ અને બિઝનેસ સંબંધિત સમાચાર વાંચો. દૈનિક બજાર અપડેટ્સ માટે Moneycontrol App ડાઉનલોડ કરો.
