દિલ્હી આંદોલનમાં નવો વળાંક: CJP પ્રવક્તાનો દાવો- 'સરકારે વાતચીત માટે બોલાવ્યા', અભિજીત દીપકેએ ભૂખ હડતાળ સમેટી

Jantar Mantar protest : રાજધાની દિલ્હીના જંતર-મંતર પરથી આજના મોટા સમાચાર સામે આવી રહ્યા છે. અહીં ચાલી રહેલા કોકરોચ જનતા પાર્ટીના પ્રદર્શનમાં એક નવો વળાંક આવ્યો છે. સીજેપીના પ્રવક્તા સૌરભ દાસે એવો દાવો કર્યો છે કે સરકાર તરફથી તેમને બેઠક માટે બોલાવવામાં આવ્યા છે. બીજી તરફ આંદોલનના અગ્રણી નેતા અભિજીત દીપકેએ પોતાની ભૂખ હડતાળ ખતમ કરી દીધી છે.

સંસદ કૂચ દરમિયાન ઘર્ષણ

ઉલ્લેખનીય છે કે, છેલ્લા ઘણા દિવસોથી દિલ્હીમાં આ વિરોધ પ્રદર્શન ચાલી રહ્યું છે. આજે CJP ના સમર્થકો અને કાર્યકરો સંસદ તરફ માર્ચ કાઢી રહ્યા હતા. મળતી માહિતી મુજબ, આ માર્ચ દરમિયાન સુરક્ષા માટે તૈનાત રેપિડ એક્શન ફોર્સ અને પ્રદર્શનકારીઓ વચ્ચે સામાન્ય ઘર્ષણ પણ જોવા મળ્યું હતું.

કેન્દ્રીય મંત્રી જે.પી. નડ્ડા સાથે મુલાકાતની શક્યતા

કોકરોચ જનતા પાર્ટીના પ્રવક્તા સૌરભ દાસે સોશિયલ મીડિયા પ્લેટફોર્મ X પર એક પોસ્ટ શેર કરીને સરકાર સાથેની આ સંભવિત મુલાકાત વિશે માહિતી આપી હતી.તેમણે પોતાની પોસ્ટમાં સ્પષ્ટ લખ્યું હતું કે, "સવારના 11:52 વાગ્યા છે. હું અને આશુતોષ રાંકા 'કોકરોચ જનતા પાર્ટી' વતી કેન્દ્રીય મંત્રી જે.પી. નડ્ડાને મળવા જઈ રહ્યા છીએ. સરકારે સવારે જ વાતચીત માટે અમારો સંપર્ક કર્યો હતો. અમારી માંગણીઓ એકદમ સ્પષ્ટ છે. મોટી સંખ્યામાં યુવાનો અહીં એકઠા થયા છે."

હવે જોવું એ રહ્યું કે સરકાર અને CJP ના પ્રતિનિધિમંડળ વચ્ચેની આ બેઠકમાં શું ચર્ચા થાય છે અને કઈ માંગણીઓ પર સહમતી બને છે.

સોનમ વાંગચુકે મૂકી 3 મોટી શરતો