Japan tsunami prediction: 5 જુલાઈ, 2025ના રોજ જાપાનમાં સુનામીની ભવિષ્યવાણીથી લોકોમાં ગભરાટ, ટિકિટો થઈ રહી છે કેન્સલ

Japan tsunami prediction: જાપાનની 'બાબા વેંગા' તરીકે ઓળખાતી રિયો તાત્સુકીની ભવિષ્યવાણીને કારણે જાપાનમાં આવનારી 5 જુલાઈ, 2025ના રોજ ભયંકર સુનામી આવવાની શક્યતા છે, જેના પગલે લોકોમાં ભયનો માહોલ છે અને પ્રવાસીઓ પોતાની ટ્રાવેલ ટિકિટો રદ કરાવી રહ્યા છે.

અનેક ઐતિહાસિક ભવિષ્યવાણીઓ સાચી પડી છે, જેમાં નોસ્ટ્રાડેમસ અને બાબા વેંગા જેવા ભવિષ્યવેત્તાઓએ સમય પહેલાં જ ભવિષ્ય જોવાની શક્તિઓ દર્શાવી હતી. તેવી જ રીતે, જાપાનના મંગા આર્ટિસ્ટ રિયો તાત્સુકીની પણ ઘણી ભવિષ્યવાણીઓ સાચી પડી છે, જેના કારણે તેમને જાપાનની 'બાબા વેંગા' કહેવાય છે. તાત્સુકીએ આગાહી કરી છે કે 5 જુલાઈ, 2025ના રોજ જાપાનમાં ભયાનક સુનામી આવી શકે છે. આના કારણે લોકોમાં ભયનો માહોલ છે અને તેઓ પોતાની ટિકિટો કેન્સલ કરાવી રહ્યા છે. ખાસ કરીને જૂન અને જુલાઈ મહિનામાં હોંગકોંગથી જાપાન જતી 80 ટકા ફ્લાઇટ્સની ટિકિટ બુકિંગ રદ થઈ ગઈ છે.

તાજેતરમાં ફરીથી પ્રકાશિત થયેલી મંગામાં ચેતવણી આપવામાં આવી છે કે "જાપાનમાં એક મોટી તબાહી થશે." આ ભવિષ્યવાણી બાદ માત્ર પ્રવાસીઓ જ નહીં, એરલાઇન્સ કંપનીઓ પણ ચિંતામાં મુકાઈ ગઈ છે. હોંગકોંગ એરલાઇન્સે દક્ષિણ જાપાનના શહેરો કાગોશિમા અને કુમામોટો જતી પોતાની ફ્લાઇટ્સ જુલાઈ અને ઓગસ્ટ માટે રદ કરી દીધી છે. એરલાઇન અધિકારીઓએ પણ આ પાછળનું કારણ તાત્સુકીની મંગા ભવિષ્યવાણીમાં દર્શાવેલ સુનામી અને ભૂકંપની આશંકાને ગણાવ્યું છે.

બ્લૂમબર્ગ ઇન્ટેલિજન્સના રિપોર્ટ મુજબ, હોંગકોંગથી જાપાન જતી ફ્લાઇટ્સમાં ગયા વર્ષની સરખામણીમાં આ વર્ષે 50 ટકાનો ઘટાડો જોવા મળ્યો છે. ખાસ કરીને બોઇંગ વિમાન ઉડાવતી કંપનીઓમાં 15-20 ટકા વધુ ટિકિટો રદ થઈ રહી છે. હોંગકોંગની એક એજન્સીએ જણાવ્યું કે એપ્રિલ અને મે મહિનાની બુકિંગ પાછલા વર્ષોની સરખામણીમાં અડધી રહી ગઈ હતી. ગ્રેટર બે એરલાઇન્સ, જે એક રિજનલ એર કંપની છે, તેણે 80 ટકા સીટ ભરવાનો અંદાજ લગાવ્યો હતો, પરંતુ ઓક્યુપેન્સી માત્ર 40 ટકા જ રહી. એરલાઇનના જાપાન ડિવિઝનના જનરલ મેનેજર હિરોકી ઇટોનું કહેવું છે કે જ્યારે મુસાફરી પોતાના ટોચના સ્તરે હોય ત્યારે આ ઘટાડો અસામાન્ય છે.

5 જુલાઈને લઈને તાત્સુકીની ભવિષ્યવાણી શું છે?

'ધ ફ્યુચર આઈ સો' (The Future I Saw) અનુસાર તાત્સુકીએ ચેતવણી આપી છે કે 5 જુલાઈ 2025ના રોજ જાપાન અને ફિલિપાઈન્સ વચ્ચે સમુદ્ર તળની નીચે એક મોટી સુનામી આવશે. આ સુનામી 2011ના તોહોકુ ભૂકંપ કરતાં મોટી હશે અને ત્રણ ગણી ઊંચી લહેરો ઊછળશે જે સુનામીનું સ્વરૂપ લેશે. તાત્સુકીની અનેક ભવિષ્યવાણીઓ ભૂતકાળમાં સાચી પડી છે, જેના કારણે પણ લોકોમાં ભય ફેલાયેલો છે. મોટી સંખ્યામાં પ્રવાસીઓ આ ભવિષ્યવાણીને ગંભીરતાથી લઈ રહ્યા છે. તાત્સુકીનો દાવો છે કે તેમને સપના આવે છે અને તેના આધારે તેઓ ભવિષ્યવાણી કરે છે. તેમણે 2011ના તોહોકુ ભૂકંપ અને સુનામી, પ્રિન્સેસ ડાયનાનું મૃત્યુ, કોરોનાવાયરસ સહિત અનેક સચોટ ભવિષ્યવાણીઓ કરી છે.

આ પણ વાંચો - Nepal methane gas: નેપાળના હાથે લાગ્યો ગેસનો અમૂલ્ય ખજાનો! 50 વર્ષ સુધી નહીં રહે ગેસની કમી