અજીબો ગરીબ લગ્ન: 74 વર્ષના વરરાજા અને 24 વર્ષની દુલ્હન, દહેજમાં મળ્યા 1.8 કરોડ!

Indonesia wedding: ઈન્ડોનેશિયાના પૂર્વી જાવાના પચિતન રિજેન્સીમાં 1 ઓક્ટોબર, 2025ના રોજ થયેલા એક લગ્ન સમારોહે સોશિયલ મીડિયા અને સ્થાનિક મીડિયામાં ખળભળાટ મચાવી દીધો છે. આ લગ્નમાં 74 વર્ષના વરરાજા તારમાન અને 24 વર્ષની દુલ્હન શેલા અરીકા મુખ્ય આકર્ષણનું કેન્દ્ર બન્યા. બંનેની ઉંમરમાં 50 વર્ષના અંતરે આ લગ્નને અનોખું બનાવ્યું, પરંતુ વાસ્તવિક ચર્ચા તો દહેજની રકમને લઈને થઈ. વરરાજા તારમાને લગ્ન દરમિયાન જાહેર કર્યું કે તેઓ દુલ્હનને 3 અબજ ઈન્ડોનેશિયન રૂપિયા (આશરે 1.8 કરોડ ભારતીય રૂપિયા)નું દહેજ આપશે.

ભવ્ય લગ્ન અને ખાસ ગિફ્ટ

આ લગ્ન સમારોહ ખૂબ જ ભવ્ય હતો. સ્થાનિક મીડિયા અનુસાર, મહેમાનોને પરંપરાગત ગિફ્ટના બદલે 100,000 ઈન્ડોનેશિયન રૂપિયા (આશરે 600 ભારતીય રૂપિયા) રોકડા આપવામાં આવ્યા હતા. શરૂઆતમાં દહેજની રકમ 1 અબજ રૂપિયા જાહેર કરાઈ હતી, પરંતુ લગ્ન દરમિયાન તેને અચાનક વધારીને 3 અબજ રૂપિયા કરવામાં આવી. આ ઘોષણાએ બધાને આશ્ચર્યમાં મૂકી દીધા.

વિવાદનો વંટોળ

વરરાજા અને પરિવારનું નિવેદન

વિવાદ વધતાં વરરાજા તારમાને સોશિયલ મીડિયા પર સ્પષ્ટતા કરવી પડી. તેમણે જણાવ્યું, “હું મારી પત્નીને છોડીને નથી ગયો, અમે હજુ સાથે છીએ. 3 અબજ રૂપિયાનું દહેજ સાચું છે અને તે બેન્ક સેન્ટર એશિયા દ્વારા સમર્થિત છે.” દુલ્હનના પરિવારે પણ સ્પષ્ટ કર્યું કે કપલ ભાગી ગયું નથી, પરંતુ હનીમૂન માટે ગયું છે.

સોશિયલ મીડિયામાં વાયરલ

આ ઘટના સોશિયલ મીડિયા પર વાયરલ થઈ ગઈ છે, જ્યાં લોકો આ અસામાન્ય લગ્ન અને તેના વિવાદો અંગે ચર્ચા કરી રહ્યા છે. કેટલાક લોકો દહેજની આટલી મોટી રકમની વાતને સ્ટંટ માને છે, જ્યારે અન્ય લોકો આ લગ્નને પ્રેમની અનોખી મિસાલ ગણાવે છે. પોલીસ તપાસના પરિણામો હજુ સામે આવવાના બાકી છે, પરંતુ આ ઘટનાએ ઈન્ડોનેશિયા અને તેની બહાર પણ લોકોનું ધ્યાન ખેંચ્યું છે.

આ પણ વાંચો- Cyber Fraud Artificial Intelligence: ભારતમાં AI બનશે સાઇબર ફ્રોડનો કાળ, સરકારનો નવો પ્લાન લાવશે ઓનલાઇન છેતરપિંડી પર લગામ