ગુજરાતથી બિહાર જવા માટે વધુ એક શાનદાર ટ્રેન, 26 ઓગસ્ટથી દોડશે અમદાવાદ-ભાગલપુર અમૃત ભારત એક્સપ્રેસ

ગુજરાત અને બિહાર વચ્ચે મુસાફરી કરતા લોકો માટે રેલવે વિભાગે એક ખૂબ જ સારા સમાચાર આપ્યા છે. ભારતીય રેલવે દ્વારા ગુજરાતના મોટા આર્થિક કેન્દ્ર 'અમદાવાદ' અને બિહારની સિલ્ક સિટી 'ભાગલપુર' વચ્ચે એક નવી 'અમૃત ભારત એક્સપ્રેસ' ટ્રેન શરૂ કરવામાં આવી રહી છે. ઈસ્ટર્ન રેલવેના જણાવ્યા અનુસાર, આ નવી ટ્રેનથી તહેવારો અને સામાન્ય દિવસોમાં મુસાફરોની વધતી જતી ભીડને પહોંચી વળવામાં મોટી મદદ મળશે.

સ્પેશિયલ ટ્રેન હવે બની ગઈ કાયમી

અગાઉ જે ક્લોન સ્પેશિયલ ટ્રેન (નંબર 09447/09448) અમદાવાદ અને પટના વચ્ચે ચાલતી હતી, તેને હવે રેગ્યુલર કરીને કાયમી ધોરણે 19423/19424 અમદાવાદ-ભાગલપુર સાપ્તાહિક અમૃત ભારત એક્સપ્રેસ તરીકે ચલાવવાનો નિર્ણય લેવાયો છે.

ક્યારથી શરૂ થશે આ ટ્રેન?

મુસાફરીનો સમય, સ્પીડ અને કોચની વિગતો

આ ટ્રેન અમદાવાદથી ભાગલપુર વચ્ચેની આખી મુસાફરી પૂરી કરતા અંદાજે 36 કલાક અને 10 મિનિટનો સમય લેશે. ટ્રેન ટ્રેક પર 110 થી 130 કિમી પ્રતિ કલાકની શાનદાર સ્પીડે દોડશે. આ ગાડીમાં કુલ 22 કોચ લગાવવામાં આવશે. જેમાં સામાન્ય માણસો માટે 11 જનરલ (અનરિઝર્વ્ડ) કોચ, 8 સ્લીપર ક્લાસ, 2 LSLRD અને ખાણીપીણીની સુવિધા માટે 1 પેન્ટ્રી કારનો સમાવેશ થાય છે.

ટ્રેન નંબર 19423 (અમદાવાદથી ભાગલપુર) નું ટાઈમ ટેબલ

આ ટ્રેન 26 ઓગસ્ટ 2026 થી દર બુધવારે સાંજે 6:30 વાગ્યે અમદાવાદથી રવાના થશે. ગુરુવારે રાત્રે 21:13 કલાકે DDU (પંડિત દીન દયાલ ઉપાધ્યાય જંકશન), 22:30 એ બક્સર, 23:15 એ આરા અને 23:50 એ દાનાપુર પહોંચશે. શુક્રવારે રાત્રે 00:43 કલાકે પટના સ્ટેશન, 01:25 કલાકે બખ્તિયારપુર, 02:08 કલાકે મોકામા, 03:30 કલાકે કિયુલ, 04:30 કલાકે જમાલપુર, 05:13 કલાકે સુલતાનગંજ થઈને સવારે 06:40 વાગ્યે ભાગલપુર પહોંચશે.

ટ્રેન નંબર 19424 (ભાગલપુરથી અમદાવાદ) નું ટાઈમ ટેબલ

પરત ફરવા માટે આ ટ્રેન 28 ઓગસ્ટ 2026 થી દર શુક્રવારે સાંજે 4:45 વાગ્યે ભાગલપુરથી ઉપડશે. ત્યારબાદ 17:03 વાગ્યે સુલતાનગંજ, 18:13 એ અભયપુર, 19:15 એ કિયુલ, 19:56 એ મોકામા, 20:30 એ બખ્તિયારપુર અને 21:58 વાગ્યે પટના પહોંચશે. રાત્રે 22:21 એ દાનાપુર, 22:53 એ આરા અને 23:41 વાગ્યે બક્સર ઊભી રહેશે. શનિવારે વહેલી સવારે 02:53 વાગ્યે DDU પહોંચશે અને અન્ય સ્ટેશનો પર રોકાણ કરતા કરતા રવિવારે વહેલી સવારે 05:25 વાગ્યે અમદાવાદ આવી પહોંચશે.

કયા કયા મોટા સ્ટેશનો પર ઊભી રહેશે?

આ ટ્રેન રસ્તામાં ઘણા મહત્વના સ્ટેશનોને કવર કરશે. જેમાં ગુજરાતના આણંદ, છાયાપુરી, ગોધરા, દાહોદ ઉપરાંત રતલામ, ભવાની મંડી, રામગંજ મંડી, કોટા, સવાઈ માધોપુર, ગંગાપુર સિટી, હિંડૌન સિટી, બયાના, આગ્રા, ટૂંડલા, કાનપુર, પ્રયાગરાજ જેવા સ્ટેશનો સામેલ છે.

આ પણ વાંચો-યોગી સરકારનો મેગા એક્શન પ્લાન: યુપીમાં 100 કરોડથી મોટા પ્રોજેક્ટ્સનું ઓડિટ હવે પાવરફુલ IIT નિષ્ણાતો કરશે