Artemis 2 Moon Mission: 50 વર્ષ બાદ ચંદ્રભ્રમણની તૈયારી, નાસાનું આર્ટેમિસ 2 મિશન તૈયાર

Artemis 2 Moon Mission: નાસા 50 વર્ષ બાદ ફરી એકવાર માનવને ચંદ્રની નજીક લઈ જવા તૈયાર છે. 1972ના એપોલો 17 મિશન બાદ પહેલીવાર, આર્ટેમિસ 2 મિશન દ્વારા ચાર અંતરિક્ષ યાત્રીઓ 2026ની 5 ફેબ્રુઆરીએ ચંદ્રની ભ્રમણકક્ષામાં જશે. આ મિશન નાસા અને માનવજાત માટે એક ઐતિહાસિક ક્ષણ હશે, કારણ કે આ પૃથ્વીની લો-ઓરબિટથી આગળની પ્રથમ માનવ મિશન હશે.

આર્ટેમિસ 2: 10 દિવસની ચંદ્રયાત્રા

આ મિશનમાં રીડ વાઇસમેન, વિક્ટર ગ્લોવર, ક્રિસ્ટિન કોચ અને જેરેમી હેન્સેન ઓરિયન સ્પેસક્રાફ્ટ દ્વારા ચંદ્રની ફરતે 10 દિવસની યાત્રા કરશે. આ યાત્રીઓ ચંદ્રની આસપાસ 5000થી 14484 કિલોમીટરનું ભ્રમણ કરશે. નાસાનું સ્પેસ લોન્ચ સિસ્ટમ (SLS) રોકેટ આ મિશન માટે તૈયાર છે અને કેનેડી સ્પેસ સેન્ટરથી લોન્ચ થશે.

મિશનની તૈયારીઓ અંતિમ તબક્કામાં

નાસા હાલમાં ઓરિયન સ્પેસક્રાફ્ટ અને SLS રોકેટની અંતિમ તૈયારીઓમાં વ્યસ્ત છે. રોકેટના અપર સ્ટેજમાં ઓરિયનને ફિટ કરવાની પ્રક્રિયા ચાલી રહી છે. લોન્ચ પહેલાં વેટ ડ્રેસ રિહર્સલ દ્વારા રોકેટના બંને સ્ટેજમાં લિક્વિડ હાઇડ્રોજન અને ઓક્સિજન ભરીને ટેસ્ટ કરવામાં આવશે. દર મહિને લોન્ચ વિન્ડો તૈયાર રાખવામાં આવી છે, જેમાં ફેબ્રુઆરી 2026ની 5 તારીખે સાંજે લોન્ચનું આયોજન છે.

હીટ શીલ્ડ ટેસ્ટ: પૃથ્વી પર પાછા ફરવાની તૈયારી

ઓરિયન સ્પેસક્રાફ્ટ ચંદ્રની ભ્રમણકક્ષામાં 24 કલાક રહેશે અને વિવિધ ટેસ્ટ હાથ ધરશે. પૃથ્વી પર પાછા ફરતી વખતે, ગ્રેવિટી અને ઘર્ષણને કારણે હીટ શીલ્ડની ટેસ્ટ આવશ્યક છે. 2022માં આર્ટેમિસ 1ની ટેસ્ટ ફ્લાઇટ નિષ્ફળ રહી હતી, જેના કારણે આ ટેસ્ટને વધુ મહત્ત્વ મળ્યું છે.