E20 petrol impact: હાલમાં ઓટોમોબાઇલ બજારમાં E20 પેટ્રોલ ઇથેનોલ બ્લેન્ડેડને લઈને વાહન ચાલકોમાં ભારે ચર્ચા છે. E20 પેટ્રોલના ઉપયોગથી ગાડીઓનું માઇલેજ ઘટી રહ્યું છે અને મેન્ટેનન્સ ખર્ચ વધી રહ્યો છે તેવી સતત ફરિયાદો મળી રહી છે. આ સમસ્યાના કારણે કાર ખરીદનારા ગ્રાહકોનો મિજાજ એકદમ બદલાઈ ગયો છે. હવે લોકો સામાન્ય પેટ્રોલ ગાડીઓ છોડીને ઇલેક્ટ્રિક અને CNG વાહનો તરફ ઝડપથી વળી રહ્યા છે.
E20 પેટ્રોલની મોટી અસર! માઇલેજ ઘટતા લોકો EV અને CNG ગાડીઓ પર તૂટી પડ્યા, વેઇટિંગ પિરિયડ 6 મહિને પહોંચ્યો
E20 petrol impact: E20 પેટ્રોલથી માઇલેજ ઘટતા ગ્રાહકો EV અને CNG કાર્સ તરફ વળ્યા છે. Tata, Mahindra અને Maruti ની ગાડીઓ પર 6 મહિના સુધીનું વેઇટિંગ છે. જાણો લેટેસ્ટ માર્કેટ ટ્રેન્ડ.
અપડેટેડ 01:03:43 PM Sep 01, 2026 પર
EV અને CNG વાહનોની માંગ અચાનક એટલી વધી ગઈ છે કે કંપનીઓના સપ્લાય પર મોટું દબાણ ઊભું થયું છે. માર્કેટ રિપોર્ટ્સ મુજબ, E20 પેટ્રોલની નકારાત્મક અસરોને કારણે EV અને CNG વાહનોની ઇન્ક્વાયરી તેમજ બુકિંગમાં 30% થી વધુનો ઉછાળો જોવા મળ્યો છે.
ઇન્ક્વાયરી અને બુકિંગમાં 30%નો મોટો ઉછાળો
EV અને CNG વાહનોની માંગ અચાનક એટલી વધી ગઈ છે કે કંપનીઓના સપ્લાય પર મોટું દબાણ ઊભું થયું છે. માર્કેટ રિપોર્ટ્સ મુજબ, E20 પેટ્રોલની નકારાત્મક અસરોને કારણે EV અને CNG વાહનોની ઇન્ક્વાયરી તેમજ બુકિંગમાં 30% થી વધુનો ઉછાળો જોવા મળ્યો છે. આ આંકડો સામાન્ય પેટ્રોલ-ડીઝલ ગાડીઓની સરખામણીમાં બમણાથી પણ વધુ છે. 5 મહિના પહેલા જે ગાડીઓ પર માત્ર 1 મહિનાનું વેઇટિંગ હતું, તેના પર હવે 3 થી 4 મહિના રાહ જોવી પડે છે.
કઈ ગાડીઓ પર કેટલું છે વેઇટિંગ પિરિયડ?
લોકો સસ્તા અને પોસાય તેવા EV તેમજ CNG મોડેલ પર વધુ પસંદગી ઉતારી રહ્યા છે. હાલની સ્થિતિ પર નજર કરીએ તો લોકપ્રિય ગાડીઓ પર લાંબુ વેઇટિંગ ચાલી રહ્યું છે:
Mahindra XEV 9S: આ ઇલેક્ટ્રિક કારની બજારમાં સૌથી વધુ ચર્ચા છે. ગ્રાહકોએ આ મોડેલની ડિલિવરી માટે લગભગ 6 મહિના સુધી રાહ જોવી પડી રહી છે.
Tata EV મોડેલ્સ: બજેટ ફ્રેન્ડલી વેરિઅન્ટ્સની ભારે ડિમાન્ડ છે. Tata Punch EV Smart 30 અને Tata Sierra EVના Pure 65 જેવા મોડેલ્સ પર 12થી 24 અઠવાડિયા સુધીનું વેઇટિંગ છે. જ્યારે Tiago EV અને Punch EVના અન્ય વેરિઅન્ટ્સ પર 18થી 24 અઠવાડિયાનું વેઇટિંગ ચાલી રહ્યું છે. જોકે, મોંઘા વેરિઅન્ટ્સ 4 થી 6 અઠવાડિયામાં મળી રહ્યા છે.
TVS iQube: ઇલેક્ટ્રિક ટુ-વ્હીલર સેગમેન્ટમાં પણ જબરદસ્ત તેજી છે. આ સ્કૂટરના વિવિધ વેરિઅન્ટ્સ માટે ગ્રાહકો 4 થી 5 મહિનાનું વેઇટિંગ કરી રહ્યા છે.
Maruti Brezza: લોકો હવે માત્ર પેટ્રોલ પર નિર્ભર રહેવા માંગતા નથી તેનો સૌથી મોટો પુરાવો બ્રેઝા છે. આ કારના કુલ બુકિંગમાંથી 70% બુકિંગ માત્ર ટર્બો-પેટ્રોલ અને CNG વેરિઅન્ટ્સનું જ થઈ રહ્યું છે.
તહેવારોની સીઝનમાં ડિમાન્ડ હજુ વધશે
આગામી સમયમાં ઓણમ, ગણેશ ચતુર્થી, નવરાત્રી અને દિવાળી જેવા મોટા તહેવારોની સીઝન શરૂ થઈ રહી છે. ભારતીય બજારમાં તહેવારો દરમિયાન નવી ગાડીઓ ખરીદવાનો ક્રેઝ હંમેશા વધુ હોય છે. એવામાં નિષ્ણાતોનું માનવું છે કે તહેવારોમાં EV અને CNG વાહનોની ડિમાન્ડ હજુ વધુ વધશે, જેનાથી આ લોકપ્રિય ગાડીઓનો વેઇટિંગ પિરિયડ આવનારા સમયમાં હજુ પણ વધી શકે છે.
MoneyControl News
પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ, Stock Tips, સમાચાર, પર્સનલ ફાઇનાન્સ અને બિઝનેસ સંબંધિત સમાચાર વાંચો. દૈનિક બજાર અપડેટ્સ માટે Moneycontrol App ડાઉનલોડ કરો.
