Kia ev3 electric suv: Kia લાવી રહ્યું છે આ શાનદાર કારનું ઇલેક્ટ્રિક વર્ઝન, રેન્જ 450 કિમી, ફિચર્સ પર એકવાર નજર મારવા જેવી ખરી

kia ev3 electric suv: પ્રીમિયમ કાર નિર્માતા Kia ગ્લોબલ લેવલે તેની EV લાઇન-અપને વિસ્તૃત કરવાના પ્રયાસો કરી રહી છે. તેની યોજનાઓને પાંખો આપવા માટે, કંપની ટેક્નોલોજીથી ભરપૂર EV3 લોન્ચ કરવા માટે તૈયાર છે. બ્રાંડે સોશિયલ મીડિયા પ્લેટફોર્મ પર ટીઝર ઈમેજો પહેલાથી જ શેર કરી છે, જે તેની ડિઝાઇન અને કેટલીક મુખ્ય લાક્ષણિકતાઓ વિશે સંકેત આપે છે.

Kia દ્વારા શેર કરવામાં આવેલી માહિતી અનુસાર, આગામી Kia EV3 આ વર્ષના અંતમાં સેલિંગ માટે ઉપલબ્ધ થશે. કાર લોન્ચની ગ્લોબલ પ્રીમિયર ઇવેન્ટ 23 મેના રોજ યોજાવાની છે અને તેનું લાઇવ ટેલિકાસ્ટ કિયા વર્લ્ડવાઇડ યુટ્યુબ ચેનલ પર કરવામાં આવશે. આ કાર ભારતમાં વેચાઈ રહેલી Kia Carens MPVથી પ્રેરિત હોઈ શકે છે.

કેટલી હશે કિંમત?

આ મોડલની કિંમત 35,000થી 50,000 ડોલરની વચ્ચે હોવાની શક્યતા છે. જો કે, બ્રાન્ડ દ્વારા હજુ સુધી આ માહિતીને કન્ફોર્મ કરવામાં આવી નથી. ગયા વર્ષે લોસ એન્જલસ ઓટો શો દરમિયાન e-SUVનું પ્રદર્શન કરવામાં આવ્યું હતું. એવી આશા છે કે આ ઇલેક્ટ્રિક SUV પણ ભારતીય બજારમાં આવી શકે છે. જો કે, કંપનીએ હજુ સુધી આ સંબંધિત કોઈ સત્તાવાર માહિતી શેર કરી નથી.