Pm Modi Birthday: PM મોદીના જન્મદિવસ પર કેન્દ્ર સરકાર આપશે મોટી ભેટ, દેશભરમાં ચલાવશે આયુષ્માન ભવ અભિયાન

તેમણે કહ્યું કે આ અભિયાન હેઠળ અમે આરોગ્ય લક્ષ્ય સેવાને પ્રોત્સાહન આપીશું. દેશમાં 1 લાખ 17 હજારથી વધુ હેલ્થ એન્ડ વેલનેસ સેન્ટર છે. અમે નક્કી કર્યું છે કે આયુષ્માન ભવ અભિયાન અંતર્ગત આ તમામ કેન્દ્રો પર આયુષ્માન મેળાનું આયોજન કરવામાં આવશે. જેમાં તમામ ગરીબ અને મધ્યમ વર્ગના લોકોને સારવાર મળશે. અમે દેશની તમામ આરોગ્ય સંસ્થાઓમાં સ્વચ્છતા અભિયાન ચલાવીશું. કારણ કે સ્વચ્છતા સ્વાસ્થ્ય સાથે જોડાયેલી છે. જેટલી સારી સ્વચ્છતા હશે તેટલું જ લોકોનું સ્વાસ્થ્ય સારું રહેશે.

કેન્દ્રીય મંત્રી મનસુખ માંડવિયાએ કહ્યું કે આ કાર્યક્રમ દરમિયાન શિબિરોનું આયોજન કરવામાં આવશે અને 60 હજાર લોકોને આયુષ્માન ભારત કાર્ડ આપવામાં આવશે. તેમણે કહ્યું કે, "કેમ્પ લગાવવામાં આવશે, અમે 60,000 લોકોને આયુષ્માન ભારત કાર્ડ આપીશું. આગામી દિવસોમાં, અમે સ્વાસ્થ્ય સેવાઓ અને કાર્યક્રમોને સુધારવા માટે આ કાર્યક્રમને આગળ ચલાવીશું."

નોંધનીય છે કે આયુષ્માન ભારત વિશ્વની સૌથી મોટી આરોગ્ય સુરક્ષા યોજના છે, જે અંતર્ગત દરેક લાભાર્થી પરિવારને દર વર્ષે 5 લાખ રૂપિયાનું આરોગ્ય કવરેજ આપવામાં આવે છે.

ટીબી નાબૂદ કરવા પર ભાર

આ દરમિયાન કેન્દ્રીય મંત્રીએ ભારતને ટીબી મુક્ત બનાવવા પર પણ વાત કરી હતી. તેમણે કહ્યું કે ગયા વર્ષે પીએમ મોદીના જન્મદિવસ પર અમે ક્ષય રોગ (ટીબી)ના મુદ્દા પર ભાર મૂક્યો હતો. પીએમ મોદીએ કહ્યું હતું કે ટીબીને ખતમ કરવાનો વિશ્વનો ટાર્ગેટ 2030 છે પરંતુ ભારતનું લક્ષ્ય 2025ના અંત સુધીમાં ટીબીને ખતમ કરવાનું છે.

આ પણ વાંચો - Post Office Scheme : પત્ની સાથે મળી પોસ્ટ ઓફિસમાં ઓપન કરાવો આ એકાઉન્ટ, દર મહિને થશે બમ્પર કમાણી