કોવિડ વેક્સીન પર ઉઠ્યા સવાલ! બાળકોની મૃત્યુના સમાચારોની વચ્ચે ફાઈઝર, મૉડર્ના અને નોવાવેક્સના શેર ઘટ્યા

Vaccine stocks tumble: ટ્રમ્પ વહીવટીતંત્રના આરોગ્ય અધિકારીઓ કોવિડ રવેક્સિનને બાળકોના મૃત્યુ સાથે જોડવાની તૈયારી કરી રહ્યા છે તેવા અહેવાલો પછી રસીના સ્ટોકમાં ઘટાડો થયો છે. શુક્રવારે વોશિંગ્ટન પોસ્ટના અહેવાલમાં કહેવામાં આવ્યું હતું કે ટ્રમ્પ વહીવટીતંત્રના આરોગ્ય અધિકારીઓ 25 બાળકોના મૃત્યુ સાથે કોરોનાવાયરસ રસીઓને જોડવાની યોજના બનાવી રહ્યા છે, ત્યારબાદ ફાઇઝર અને મોડર્નાના શેરમાં ઘટાડો થયો હતો.

સીએનબીસી અનુસાર, ફાઇઝરનો સ્ટોક 3 ટકાથી વધુ ઘટ્યો છે. મોડર્નાના સ્ટોકમાં 7 ટકાથી વધુ અને નોવાવેક્સનો સ્ટોક 4 ટકાથી વધુ ઘટ્યો છે. મીડિયા રિપોર્ટ્સ અનુસાર, આવતા અઠવાડિયે કોવિડ વેક્સિન બાળકોના મૃત્યુ સાથે સીધી રીતે જોડાયેલી હોવાનો દાવો સીડીસીના વેક્સિન સલાહકાર પેનલ સમક્ષ રજૂ કરવામાં આવશે. તમને જણાવી દઈએ કે સીડીસી અમેરિકાની રસીકરણ નીતિ નક્કી કરે છે.

વિવાદાસ્પદ દાવો

વોશિંગ્ટન પોસ્ટના એક અહેવાલ મુજબ, યુએસ વહીવટીતંત્ર વેક્સીન એડવર્સ ઇવેન્ટ રિપોર્ટિંગ સિસ્ટમ (VAERS) માં નોંધાયેલા બાળકોના મૃત્યુને કોવિડ વેક્સિન સાથે જોડી રહ્યું છે. VAERS એ વેક્સિનની આડઅસરોનો એક વણચકાસાયેલ સ્વ-રિપોર્ટેડ ફેડરલ ડેટાબેઝ છે. એ નોંધનીય છે કે CDC એ વારંવાર કહ્યું છે કે VAERS એકલા વેક્સિન અને મૃત્યુ વચ્ચે કોઈ જોડાણ નક્કી કરી શકતું નથી.