Dividend Income: સરકારી કંપનીઓ બની સોનાની મરઘી, સરકારની તિજોરીમાં ડિવિડન્ડથી 41,000 કરોડથી વધુની આવક

Dividend Income: કેન્દ્ર સરકારની તિજોરી આ વર્ષે જાહેર ક્ષેત્રના ઉપક્રમો (PSUs) તરફથી મળેલા ડિવિડન્ડથી છલકાઈ રહી છે. ચાલુ નાણાકીય વર્ષમાં અત્યાર સુધીમાં સરકારને ડિવિડન્ડ પેટે 41,378 કરોડ ની જંગી આવક થઈ છે. આ રકમ સરકારના વાર્ષિક 69,000 કરોડના બજેટ લક્ષ્યાંકના લગભગ 60% જેટલી છે.

આવક ગત વર્ષ કરતાં ઓછી પણ લક્ષ્યાંક પૂરો થવાનો વિશ્વાસ

જોકે, આંકડા દર્શાવે છે કે આ વર્ષની ડિવિડન્ડ આવક ગયા વર્ષના સમાન સમયગાળાની સરખામણીમાં થોડી પાછળ છે. ગયા વર્ષે આ સમયગાળામાં સરકારી કંપનીઓ તરફથી 47,338 કરોડ મળ્યા હતા. રસપ્રદ વાત એ છે કે, નાણાકીય વર્ષ 2025 માં સરકારે બજેટ અંદાજ કરતાં પણ વધુ, રેકોર્ડ 74,129 કરોડની કમાણી કરી હતી.

નિષ્ણાતોનું માનવું છે કે, સરકાર નાણાકીય વર્ષ 2026ના અંત સુધીમાં નિર્ધારિત લક્ષ્યાંકને સરળતાથી પાર કરી લેશે. આ વર્ષે ડિવિડન્ડની આવક એટલા માટે પણ વધુ મહત્વની બની છે કારણ કે GST ટેક્સના દરમાં ઘટાડાને કારણે સરકારની કરવેરાની આવકમાં ઘટાડો થવાની સંભાવના છે.

ઓઇલ અને ગેસ કંપનીઓનો દબદબો

ક્રૂડ ઓઇલના ભાવમાં ઘટાડો થતા ઓઇલ માર્કેટિંગ કંપનીઓ (OMCs)ને મોટો ફાયદો થયો છે. આ જ કારણે, ઓઇલ અને ગેસ ક્ષેત્રની કંપનીઓએ સરકારને ડિવિડન્ડ ચૂકવવામાં મુખ્ય ભૂમિકા ભજવી છે. ONGC, IOCL, BPCL અને GAIL જેવી કંપનીઓના મજબૂત પ્રદર્શનને કારણે પેટ્રોલિયમ અને કુદરતી ગેસ ક્ષેત્રે સરકારને અત્યાર સુધીમાં 11,340 કરોડનું ડિવિડન્ડ આપ્યું છે.

કઈ કંપનીઓએ કરી તિજોરી છલકાવી?