Economic Survey 2026: ઈતિહાસમાં પહેલીવાર રવિવારે રજૂ થશે બજેટ! જાણો ઈકોનોમિક સર્વે ક્યારે આવશે?

Budget 2026: વર્ષ 2026 નું બજેટ સત્ર થોડું ખાસ રહેવાનું છે. ભારતના સંસદીય ઈતિહાસમાં આવું પહેલીવાર બનવા જઈ રહ્યું છે જ્યારે કેન્દ્રીય બજેટ રવિવારના દિવસે રજૂ કરવામાં આવશે. સામાન્ય રીતે રવિવારે રજા હોય છે, પરંતુ આ વખતે 1 ફેબ્રુઆરી 2026 ના રોજ રવિવાર હોવા છતાં સવારે 11 વાગ્યે નાણામંત્રી બજેટ રજૂ કરશે.

બજેટની તારીખ તો નક્કી થઈ ગઈ, પરંતુ હવે સૌથી મોટો સવાલ એ છે કે દેશની આર્થિક તબિયત દર્શાવતો 'ઈકોનોમિક સર્વે' (Economic Survey) ક્યારે આવશે? જો તમને પણ આ અંગે મૂંઝવણ હોય, તો અહીં તમામ વિગતો સરળ ભાષામાં સમજો.

ઈકોનોમિક સર્વે ક્યારે રજૂ થશે?

સામાન્ય રીતે પરંપરા એવી રહી છે કે બજેટના એક દિવસ પહેલા, એટલે કે 31 જાન્યુઆરીએ ઈકોનોમિક સર્વે રજૂ થતો હોય છે. પરંતુ આ વખતે તારીખોમાં ફેરફાર છે.

આ વર્ષે સંસદનું બજેટ સત્ર 28 જાન્યુઆરી 2026 થી શરૂ થઈ રહ્યું છે. તેના બીજા જ દિવસે, એટલે કે 29 જાન્યુઆરી, ગુરુવારે સવારે 11 વાગ્યે સંસદમાં ઈકોનોમિક સર્વે રજૂ કરવામાં આવશે. આ દસ્તાવેજ ભારતના મુખ્ય આર્થિક સલાહકાર (CEA) દ્વારા તૈયાર કરવામાં આવે છે અને રજૂ કરવામાં આવે છે.

શું હોય છે ઈકોનોમિક સર્વે?

સરળ શબ્દોમાં કહીએ તો, ઈકોનોમિક સર્વે એ સરકારનું 'રિપોર્ટ કાર્ડ' છે. આ એક વાર્ષિક રિપોર્ટ હોય છે જે જણાવે છે કે ગયા વર્ષે દેશની અર્થવ્યવસ્થાની સ્થિતિ કેવી રહી.