H-1B વિઝા ફી સામે 20 અમેરિકન રાજ્યોનો કેસ, ટ્રમ્પના નિર્ણયને કોર્ટમાં પડકાર

કેલિફોર્નિયાના એટર્ની જનરલ રોબ બોન્ટાના નેતૃત્વમાં વીસ યુએસ રાજ્યોએ રાષ્ટ્રપતિ ડોનાલ્ડ ટ્રમ્પના સપ્ટેમ્બરના નવા H-1B વિઝા પર $100,000 ફી લાદવાના આદેશને પડકારતો દાવો દાખલ કર્યો છે, અને આ નીતિને "ગેરકાયદેસર" અને આવશ્યક જાહેર સેવાઓ માટે હાનિકારક ગણાવી છે.

કોર્ટમાં દાખલ કરાયેલી અપીલમાં આરોપ મૂકવામાં આવ્યો છે કે ટ્રમ્પ વહીવટીતંત્રે ફેડરલ કાયદા હેઠળની પોતાની સત્તાઓનો વધુ ઉપયોગ કર્યો છે, વહીવટી પ્રક્રિયા અધિનિયમનું ઉલ્લંઘન કર્યું છે અને કોંગ્રેસની અવગણના કરી છે.

H-1B કાર્યક્રમ અમેરિકન કંપનીઓને ટેકનોલોજી, હેલ્થકેર અને એજ્યુકેશન જેવા ખાસ ફિલ્ડમાં વિદેશી પ્રોફેશનલ્સને નોકરી પર રાખવાની મંજૂરી આપે છે. બોન્ટાએ ભાર મૂક્યો કે હજારો શિક્ષકો અને આરોગ્યસંભાળ કાર્યકરો આ વિઝા પર આધાર રાખે છે. તેમણે ચેતવણી આપી હતી કે આ ફી મહત્વ સેક્ટરોમાં મજૂરની અછતને વધુ વધારશે.

બોન્ટાએ કહ્યું, "વિશ્વની ચોથી સૌથી મોટી અર્થવ્યવસ્થા તરીકે, કેલિફોર્નિયા જાણે છે કે જ્યારે વિશ્વભરમાંથી કુશળ પ્રતિભા આપણા કાર્યબળમાં જોડાય છે, ત્યારે તે આપણા રાજ્ય માટે પ્રગતિને વેગ આપે છે." "રાષ્ટ્રપતિ ટ્રમ્પની ગેરકાયદેસર $100,000 H-1B વિઝા ફી કેલિફોર્નિયાના જાહેર નોકરીદાતાઓ અને આવશ્યક સેવા પ્રદાતાઓ પર બિનજરૂરી અને ગેરકાયદેસર નાણાકીય બોજ લાદી રહી છે, જે મહત્વપૂર્ણ ક્ષેત્રોમાં શ્રમની અછતને વધુ વધારી રહી છે."