સંરક્ષણ ક્ષેત્રે ઐતિહાસિક નિર્ણય, DRDOની મિસાઈલ ટેકનોલોજી હવે ભારતીય કંપનીઓને અપાશે, રક્ષામંત્રીએ આપી મંજૂરી

DRDO Missile : ભારતને સંરક્ષણ ક્ષેત્રે આત્મનિર્ભર બનાવવા માટે કેન્દ્ર સરકારે એક ખૂબ જ મહત્વપૂર્ણ અને મોટો નિર્ણય લીધો છે. રક્ષા મંત્રી રાજનાથ સિંહે ડિફેન્સ રિસર્ચ એન્ડ ડેવલપમેન્ટ ઓર્ગેનાઈઝેશન દ્વારા વિકસિત તમામ પરંપરાગત મિસાઈલ સિસ્ટમની ટેકનોલોજી દેશની ખાનગી કંપનીઓને ટ્રાન્સફર કરવા માટે સત્તાવાર મંજૂરી આપી દીધી છે.

ભારતીય ઉદ્યોગો અને MSMEs માટે ખુલ્યા નવા દરવાજા

આ ટેકનોલોજી ટ્રાન્સફરના કારણે હવે સંરક્ષણ ક્ષેત્રમાં ભારતીય ઉદ્યોગોની ભાગીદારીમાં મોટો ઉછાળો આવશે. આ નિર્ણયથી થનારા મુખ્ય ફાયદાઓ પર નજર કરીએ તો, જે ભારતીય કંપનીઓ જરૂરી લાયકાત, સર્ટિફિકેટ અને સરકારી નિયમો પૂરા કરતી હશે, તેઓ હવે DRDO ની ટેકનોલોજીની મદદથી દેશમાં જ સ્વદેશી મિસાઈલ સિસ્ટમનું ઉત્પાદન કરી શકશે. મિસાઇલના વિકાસથી લઈને તેના મોટા પાયે ઔદ્યોગિક ઉત્પાદન સુધીનું કામ હવે દેશમાં જ શક્ય બનશે.

આ નિર્ણયથી દેશની સ્થાનિક ઉત્પાદન ક્ષમતા મજબૂત થશે અને ભારતીય MSME સેક્ટરને ડિફેન્સ સપ્લાય ચેઈનમાં જોડાવાની નવી અને મોટી તકો મળશે.

ભારત બની શકે છે ગ્લોબલ શિપબિલ્ડિંગ હબ

આ મોટા નિર્ણય અગાઉ, રક્ષા મંત્રી રાજનાથ સિંહે ઓનલાઈન માધ્યમથી ગાર્ડન રીચ શિપબિલ્ડર્સ એન્ડ એન્જિનિયર્સ અને યંત્ર ઈન્ડિયા લિમિટેડના 5 મોટા વિસ્તરણ પ્રોજેક્ટ્સનો શિલાન્યાસ પણ કર્યો હતો. આ પ્રસંગે તેમણે સ્પષ્ટ કહ્યું કે ભારતમાં વિશ્વનું શિપબિલ્ડિંગ હબ બનવાની પૂરી ક્ષમતા છે. અત્યારે દુનિયાના પરંપરાગત જહાજ નિર્માતા દેશો પોતાનું ઉત્પાદન ધીમે ધીમે ઘટાડી રહ્યા છે. આ પરિસ્થિતિમાં વૈશ્વિક સ્તરે જે 'ખાલીપો' ઊભો થયો છે, તેનો સીધો લાભ ભારત ઉઠાવી શકે તેમ છે અને આ ક્ષેત્રે ઝડપથી આગળ વધી શકે છે.

છેલ્લા 12 વર્ષમાં સંરક્ષણ ક્ષેત્રની કાયાપલટ