Imran khan Busra Bibi case: ઈમરાન ખાન અને બુશરા બીબીને 7-7 વર્ષની સજા, કોર્ટે લગ્નને જાહેર કર્યા ગેરકાયદે

અગાઉ, કોર્ટે પૂર્વ વડા પ્રધાન ઇમરાન ખાનના તેમની ત્રીજી પત્ની બુશરા બીબી સાથેના 'અન-ઇસ્લામિક' લગ્નને પડકારતી કેસને બરતરફ કરવાની માંગ કરતી અરજી પર પોતાનો ચુકાદો અનામત રાખ્યો હતો.

આ વર્ષની શરૂઆતમાં નીચલી કોર્ટે ખાન અને બીબીને લગ્નના કેસમાં દોષિત ઠેરવ્યા હતા. 49 વર્ષની બુશરા બીબી પંજાબના જમીનદાર પરિવારમાંથી આવે છે. તેમના પ્રથમ લગ્ન મેનકા સાથે થયા હતા જે લગભગ 30 વર્ષ સુધી ચાલ્યા હતા. મેનકા પંજાબના રાજકીય રીતે પ્રભાવશાળી પરિવારમાંથી આવે છે.

બુશરા બીબીના પૂર્વ પતિએ ઈમરાન ખાન પર ગંભીર આરોપ લગાવ્યા

ઈમરાન ખાનની પત્ની બુશરા બીબીના પૂર્વ પતિ ખાવર ફરીદ મેનકાએ ખાન પર ઘણા ગંભીર આરોપ લગાવ્યા હતા. બુશરા બીબીના પૂર્વ પતિ ખાવર ફરીદે કહ્યું હતું કે ઈમરાન ખાન બુશરા બીબીના અનુયાયી તરીકે ઘરમાં પ્રવેશ્યો હતો અને ધીમે ધીમે તેના લગ્ન તોડી નાખ્યા હતા અને 2018માં બુશરા બીબી સાથે લગ્ન કર્યા હતા. ખાવર ફરીદે આરોપ લગાવ્યો હતો કે તેમનું લગ્નજીવન સારું ચાલી રહ્યું હતું, પરંતુ ઇમરાન ખાનના કારણે તે તૂટી ગયું.

ઈમરાન તેના ફોલોઅર્સ તરીકે આવ્યો હતો

પાકિસ્તાની ન્યૂઝ ચેનલ જિયો સાથે વાતચીત દરમિયાન ખાવર ફરીદે કહ્યું હતું કે મેં વર્ષ 1989માં લગ્ન કર્યા હતા. તે સમયે મારી અને બુશરાની લાઈફ સારી રીતે ચાલી રહી હતી. લોકો અમારા ઘરનો દાખલો આપતા. વર્ષો પછી, જ્યારે ઈસ્લામાબાદમાં રાજકીય પ્રદર્શનો શરૂ થયા, ત્યારે ઈમરાન ખાન પીરી મુરીદી (કોઈના અનુયાયી બનવા)ની આડમાં બુશરા બીબીને પહેલીવાર મળ્યા.

આ પણ વાંચો - PHOTOS: ચિલીના જંગલોમાં આગથી સર્જાયો વિનાશ! 1100થી વધુ ઘર બળીને રાખ, 42ના મોત, તસવીરોમાં જુઓ ભયાનક દ્રશ્ય