G-20 પ્રેસિડેન્સી દરમિયાન ભારતમાં વિદેશી પ્રવાસીઓનું આગમન 166% વધ્યું: કેન્દ્રીય પ્રવાસન મંત્રી

આ વર્ષના પ્રથમ ચાર મહિનામાં ભારતની મુલાકાતે આવનાર વિદેશી પ્રવાસીઓની સંખ્યામાં 166 ટકાનો વધારો થયો છે. કેન્દ્રીય પર્યટન મંત્રી જી કિશન રેડ્ડીએ મંગળવારે આ માહિતી આપી હતી. તેમણે કહ્યું કે આ વર્ષે જાન્યુઆરીથી એપ્રિલ સુધી આવનારા વિદેશી પ્રવાસીઓની સંખ્યા ગયા વર્ષના સમાન સમયગાળાની સરખામણીમાં 166 ટકા વધુ છે.

આ વર્ષના પ્રથમ ચાર મહિનામાં ભારતની મુલાકાતે આવનાર વિદેશી પ્રવાસીઓની સંખ્યામાં 166 ટકાનો વધારો થયો છે. કેન્દ્રીય પર્યટન મંત્રી જી કિશન રેડ્ડીએ મંગળવારે આ માહિતી આપી હતી. તેમણે કહ્યું કે આ વર્ષે જાન્યુઆરીથી એપ્રિલ સુધી આવનારા વિદેશી પ્રવાસીઓની સંખ્યા ગયા વર્ષના સમાન સમયગાળાની સરખામણીમાં 166 ટકા વધુ છે. રેડ્ડીએ ગોવામાં આયોજિત G20 ટૂરિઝમ વર્કિંગ ગ્રૂપ (TWG)ની ચોથી બેઠકના ઉદ્ઘાટન દરમિયાન આ માહિતી આપી હતી. કેન્દ્રીય મંત્રીએ કહ્યું કે કોરોના રોગચાળાના અંત પછી, ભારતમાં આવનારા વિદેશી પ્રવાસીઓની સંખ્યામાં સતત વધારો થઈ રહ્યો છે. આ પ્રક્રિયા આ વર્ષે એટલે કે 2023માં પણ ચાલુ રહેશે.

રેડ્ડીએ જણાવ્યું હતું કે, "આ વર્ષે જાન્યુઆરીથી એપ્રિલ દરમિયાન ભારતની મુલાકાતે આવેલા વિદેશી પ્રવાસીઓની સંખ્યા ગયા વર્ષના સમાન સમયગાળા કરતાં 166 ટકા વધુ છે." જોકે હજુ પણ વિદેશી પ્રવાસીઓની સંખ્યા પ્રી-કોરોના સ્તરે પહોંચી નથી. કેન્દ્રીય મંત્રીએ આશા વ્યક્ત કરી કે આ વર્ષના અંત સુધીમાં વિદેશી પ્રવાસીઓની સંખ્યા પ્રી-કોરોના સ્તરે પહોંચી જશે.

બાદમાં એક પ્રેસ કોન્ફરન્સમાં રેડ્ડીએ કહ્યું હતું કે ગોવામાં TWGની સમાપન બેઠક યોજાઈ રહી છે તે આનંદની વાત છે. તેમણે કહ્યું, "ભારત દેશભરમાં 55 સ્થાનો પર G20 ની 200 થી વધુ બેઠકોનું આયોજન કરી રહ્યું છે. આ બેઠકો જનભાગીદારી સાથે આયોજિત કરવામાં આવી રહી છે અને પ્રવાસનને પણ તેનાથી ઘણો લાભ મળી રહ્યો છે."