Israel Hamas war affect: અમેરિકી રાષ્ટ્રપતિ બાયડને કહ્યું- ભારત-યુરોપ ઈકોનોમિક કોરિડોરના કારણે હમાસે ઈઝરાયેલ પર કર્યો હુમલો

IMEEC: બાયડને કહ્યું કે ભારત-મધ્ય પૂર્વ-યુરોપ આર્થિક કોરિડોર સમગ્ર ક્ષેત્રને ઇન્ટીગ્રેટ કરે છે. આ અંતર્ગત રેલવે નેટવર્ક તૈયાર થશે. બાયડને ઓસ્ટ્રેલિયાના વડા પ્રધાન એન્થોની અલ્બેનિસ સાથેની પ્રેસ કોન્ફરન્સમાં કહ્યું હતું કે તેમનું વિશ્લેષણ તેમના અંદાજ પર આધારિત છે. તેમની પાસે આ માટે કોઈ પુરાવા નથી.

બાયડને કહ્યું- આ મારા અંતરાત્માનો અવાજ

ભારત-મધ્ય-પૂર્વ-યુરોપ ઇકોનોમિક કોરિડોર તરફ ઇશારો કરતાં બાયડને કહ્યું, "મને ખાતરી છે કે ઇઝરાયેલ પર હમાસના હુમલાનું એક કારણ સમગ્ર ક્ષેત્રને ઇન્ટીગ્રેટ કરવાની દિશામાં પ્રગતિ છે." અમે સમગ્ર ક્ષેત્રના પ્રાદેશિક એકીકરણ તરફ કામ કરી રહ્યા છીએ. અમે તે કામ પાછળ છોડી શકતા નથી. મારી પાસે તેનો કોઈ પુરાવો નથી, હું આ મારા મનની વાત કહી રહ્યો છું"

એક અઠવાડિયાથી ઓછા સમયમાં આ બીજી વખત છે જ્યારે બાયડેને હમાસ દ્વારા આતંકવાદી હુમલાના કારણ તરીકે IMEEC (ઇન્ડિયા-મિડલ ઇસ્ટ-યુરોપ ઇકોનોમિક કોરિડોર)નો ઉલ્લેખ કર્યો છે.