Israel Hamas War Latest News: હમાસે બંધક બનેલા ઈઝરાયલી સૈનિકોને મુક્ત કરવાના બદલામાં રાખી આ શરત, યુદ્ધવિરામ લંબાવવા માટે ચાલી રહી છે વાતચીત

Israel Hamas War Latest News: ગાઝામાં યુદ્ધવિરામને લંબાવવા માટે પેલેસ્ટિનિયન આતંકવાદી સંગઠન હમાસ અને ઈઝરાયેલ વચ્ચે વાતચીત ચાલી રહી છે. અગાઉ કતાર દ્વારા મધ્યસ્થી કરાયેલા ચાર દિવસીય યુદ્ધવિરામ કરાર મુજબ હમાસે 60 ઇઝરાયેલી બંધકોને મુક્ત કર્યા છે. જેમાં મહિલાઓ અને બાળકો પણ છે. બીજી તરફ ઈઝરાયેલે પોતાની જેલમાં બંધ પેલેસ્ટિનિયન કેદીઓને મુક્ત કર્યા છે.

7 ઓક્ટોબરે હુમલા દરમિયાન હમાસે મોટી સંખ્યામાં ઈઝરાયેલ સૈનિકોનું પણ અપહરણ કર્યું હતું. તેઓને મુક્ત કરવામાં આવ્યા નથી. હમાસે કહ્યું છે કે તે ઇઝરાયલી સૈનિકોને છોડવા માટે તૈયાર છે, પરંતુ શરત એ છે કે ઇઝરાયલે તમામ પેલેસ્ટિનિયન કેદીઓને મુક્ત કરવા પડશે.

હમાસના અધિકારી અને ગાઝાના પૂર્વ સ્વાસ્થ્ય મંત્રી બસેમ નઈમે કહ્યું કે હમાસ અને ઈઝરાયેલ વચ્ચે યુદ્ધવિરામની વાતચીત ચાલી રહી છે. દક્ષિણ આફ્રિકાના કેપટાઉનમાં મીડિયા સાથે વાત કરતી વખતે નઈમે કહ્યું કે, "અમે અમારા તમામ (ઈઝરાયેલ) સૈનિકોને અમારા તમામ કેદીઓ (ઈઝરાયેલની જેલમાં રહેલા પેલેસ્ટિનિયનો)ના બદલામાં મુક્ત કરવા તૈયાર છીએ.

હમાસે 240થી વધુ લોકોને બંધક બનાવ્યા હતા