10 વર્ષથી વધુ ઉંમરના બાળકો હવે સ્વતંત્ર રીતે બેન્ક ખાતું કરી શકશે ઓપરેટ, RBIએ આપી મંજૂરી

રિઝર્વ બેન્ક ઓફ ઈન્ડિયા (RBI)એ એક મહત્વપૂર્ણ નિર્ણયમાં જણાવ્યું છે કે, 10 વર્ષથી વધુ ઉંમરના નાબાલિગો હવે સ્વતંત્ર રીતે બચત અને સાવધિ જમા (ફિક્સ્ડ ડિપોઝિટ) ખાતા ખોલી શકશે અને તેનું સંચાલન કરી શકશે. આ સંબંધમાં RBIએ બેન્કોને નવા નિર્દેશો જારી કર્યા છે. અત્યાર સુધી નાબાલિગોના ખાતાનું સંચાલન તેમના વાલીઓ દ્વારા જ કરવામાં આવતું હતું.

RBIના સર્ક્યુલરમાં શું છે?

RBIએ વાણિજ્યિક અને સહકારી બેન્કોને જારી કરેલા સર્ક્યુલરમાં જણાવ્યું છે કે, કોઈપણ ઉંમરના નાબાલિગો તેમના કુદરતી અથવા કાનૂની વાલીની મદદથી બચત અને સાવધિ જમા ખાતા ખોલી અને ચલાવી શકે છે. આ ઉપરાંત, તેઓ તેમની માતાને વાલી તરીકે નામાંકિત કરીને પણ આવા ખાતા ખોલી શકે છે. સર્ક્યુલર અનુસાર, બેન્કો તેમની જોખમ વ્યવસ્થાપન નીતિને ધ્યાનમાં રાખીને રકમ અને શરતો નક્કી કરી શકે છે. આ શરતો અને નિયમો વિશે ખાતાધારકને સ્પષ્ટ માહિતી આપવી ફરજિયાત રહેશે.

બેન્કો આ સુવિધાઓ આપી શકશે

સર્ક્યુલરમાં ઉલ્લેખ કરવામાં આવ્યો છે કે, બેન્કો તેમની જોખમ વ્યવસ્થાપન નીતિ, ઉત્પાદનો અને ગ્રાહકોના આધારે નાબાલિગ ખાતાધારકોને ઈન્ટરનેટ બેન્કિંગ, એટીએમ/ડેબિટ કાર્ડ, ચેકબુક જેવી વધારાની સુવિધાઓ પૂરી પાડવા માટે સ્વતંત્ર છે. બેન્કોએ એ સુનિશ્ચિત કરવાનું રહેશે કે, નાબાલિગોના ખાતામાં, પછી તે સ્વતંત્ર રીતે ચાલતા હોય કે વાલીની મદદથી, વધુ પડતી ઉપાડની મંજૂરી ન આપવામાં આવે અને ખાતામાં હંમેશા મિનિમમ રકમ જળવાઈ રહે. આ ઉપરાંત, RBIએ બેન્કોને નાબાલિગોના જમા ખાતા ખોલતી વખતે ગ્રાહકની યોગ્ય તપાસ (KYC) કરવા અને તેને સતત જાળવી રાખવા નિર્દેશ આપ્યો છે.

આ પણ વાંચો- ભારતે સ્ટીલની આયાત પર 12% અસ્થાયી ટેરિફ લાદ્યો.. 200 દિવસ સુધી રહેશે લાગુ, નાણા મંત્રાલયે નોટિફિકેશન કર્યું જાહેર