Credit Card without Income Proof: ન તો નોકરી, ન તો ઇનકમ પ્રૂફ- તો પણ મળશે Credit Card! જાણી લો આ 4 સ્માર્ટ ટિપ્સ

Credit Card without income proof: આજના સમયમાં ભારત ડિજિટલ અને આર્થિક રીતે ખૂબ ઝડપથી આગળ વધી રહ્યું છે. એક સમય હતો જ્યારે એવું માનવામાં આવતું હતું કે ક્રેડિટ કાર્ડ માત્ર મોટી નોકરી કરતા અથવા દર મહિને પગાર મેળવતા લોકો માટે જ છે. પરંતુ હવે જમાનો બદલાઈ ગયો છે. ભારતીય બેન્કિંગ સિસ્ટમમાં આવેલા બદલાવને કારણે હવે વિદ્યાર્થીઓ હોય કે ગૃહિણીઓ, તેઓ સેલેરી સ્લિપ કે ઇનકમ પ્રૂફ વગર પણ ક્રેડિટ કાર્ડ મેળવી શકે છે.

જો તમે પણ એવું વિચારતા હોવ કે સેલેરી સ્લિપ વગર ક્રેડિટ કાર્ડ મેળવવું અશક્ય છે, તો આ સમાચાર તમારા કામના છે. બેંકો હવે ગ્રાહકોની પ્રોફાઇલને નવા દ્રષ્ટિકોણથી જોઈ રહી છે. અહીં અમે તમને એવી 4 સ્માર્ટ રીતો વિશે જણાવીશું, જેની મદદથી તમે કોઈપણ ઇનકમ પ્રૂફ વગર સરળતાથી ક્રેડિટ કાર્ડ મેળવી શકશો.

1. FD (ફિક્સ્ડ ડિપોઝિટ) સામે ક્રેડિટ કાર્ડ

જો તમારી પાસે ઇનકમનો કોઈ પુરાવો નથી, તો ક્રેડિટ કાર્ડ મેળવવાનો સૌથી સરળ અને સુરક્ષિત રસ્તો છે 'સિક્યોર્ડ ક્રેડિટ કાર્ડ'. આ કાર્ડ તમારી ફિક્સ્ડ ડિપોઝિટ (FD) ના બદલામાં આપવામાં આવે છે. HDFC અને ICICI જેવી ઘણી મોટી બેંકો આ સુવિધા આપે છે.

સામાન્ય રીતે, જો તમે બેંકમાં 10,000 કે 15,000 રૂપિયાની FD કરાવો છો, તો બેંક તમને તે રકમના 75%થી 90% સુધીની ક્રેડિટ લિમિટ આપી દે છે. આમાં બેંકને કોઈ જોખમ રહેતું નથી કારણ કે તમારી FD તેમની પાસે જમા હોય છે. સૌથી સારી વાત એ છે કે આ કાર્ડના નિયમિત ઉપયોગ અને બિલ ભરપાઈથી તમારો ક્રેડિટ સ્કોર (CIBIL Score) બને છે, જે ભવિષ્યમાં લોન લેવામાં મદદરૂપ થાય છે.

2. Add-on કાર્ડની સુવિધા

જો તમારા પરિવારમાં માતા-પિતા, પતિ-પત્ની કે ભાઈ-બહેનમાંથી કોઈની પાસે પહેલેથી જ ક્રેડિટ કાર્ડ છે, તો તમારું કામ એકદમ આસાન થઈ જશે. તમે તેમના કાર્ડ પર 'Add-on Card' માટે અરજી કરી શકો છો. આ માટે તમારે તમારી આવકનો કોઈ પુરાવો આપવાની જરૂર નથી હોતી. HDFC, Axis અને Kotak જેવી બેંકો પ્રાઈમરી કાર્ડ હોલ્ડરના સંબંધિઓ માટે આ સુવિધા આપે છે. આ કાર્ડનો ઉપયોગ કરીને નવા યુઝર્સ ફાયનાન્સિયલ શિસ્ત શીખી શકે છે અને ક્રેડિટ કાર્ડ વાપરવાનો અનુભવ મેળવી શકે છે.