Diwali shopping on credit card: આ દિવાળીએ 42% લોકોએ ક્રેડિટ કાર્ડથી 50,000થી વધુ કર્યો ખર્ચ, લેટેસ્ટ સર્વેમાં ખુલાસો

Diwali shopping on credit card: આ વર્ષે દિવાળીના તહેવાર દરમિયાન ભારતીય ઉપભોક્તાઓએ ક્રેડિટ કાર્ડનો ઉપયોગ કરીને ખરીદીમાં મોટો ઉછાળો નોંધાવ્યો છે. ડિજિટલ કન્ઝ્યુમર ક્રેડિટ માર્કેટપ્લેસ પૈસાબજારના તાજા સર્વે મુજબ, 42%થી વધુ ક્રેડિટ કાર્ડ યૂઝર્સે આ દિવાળીએ 50,000થી વધુની ખરીદી કરી. આ ઉપરાંત, 22% લોકોએ 50,000થી 1 લાખની ખરીદી કરી, જ્યારે 20% યૂઝર્સે 1 લાખથી વધુની ખરીદી માટે ક્રેડિટ કાર્ડનો ઉપયોગ કર્યો. આ આંકડા દર્શાવે છે કે ભારતીય ઉપભોક્તાઓ હવે મોટી અને મોંઘી વસ્તુઓ ખરીદવા માટે ક્રેડિટ કાર્ડનો વધુ સમજદારીપૂર્વક ઉપયોગ કરી રહ્યા છે.

સૌથી વધુ શું ખરીદાયું?

સર્વેમાં સામેલ 2,300થી વધુ લોકોના જવાબો દર્શાવે છે કે આ દિવાળીએ ક્રેડિટ કાર્ડથી થયેલા ખર્ચમાં હોમ એપ્લાયન્સ (25%), મોબાઈલ, ગેજેટ્સ અને એક્સેસરીઝ (23%), કપડાં (22%), ફર્નિચર અને ડેકોર (18%), તેમજ સોનું અને જ્વેલરી (12%)નો સમાવેશ થાય છે. આ આંકડા દર્શાવે છે કે ઉપભોક્તાઓ ટકાઉ અને લાંબા ગાળાની વસ્તુઓ પર વધુ ધ્યાન આપી રહ્યા છે.

ઓફર્સનું આકર્ષણ

સર્વેમાં જાણવા મળ્યું કે 91%થી વધુ ક્રેડિટ કાર્ડ યૂઝર્સે તેમની ખરીદી ઓફર્સ અને ડિસ્કાઉન્ટના આધારે પ્લાન કરી. માત્ર 10%થી ઓછા લોકોએ સામાન્ય રિવોર્ડ્સ પર ધ્યાન આપ્યું. પૈસાબજારના સીઈઓ સંતોષ અગ્રવાલે જણાવ્યું કે, "ઉપભોક્તાઓ હવે તહેવારો દરમિયાન મોટી ખરીદી માટે ક્રેડિટ કાર્ડનો ઉપયોગ વધુ ફાયદાકારક રીતે કરે છે. તેઓ ઓફર્સ અને રિવોર્ડ્સનો મહત્તમ લાભ લેવા માટે પોતાની ખરીદીનું આયોજન કરે છે."

કયા પ્રોત્સાહનો પોપ્યુલર?