આધાર, ક્રેડિટ કાર્ડથી લઈને LPG સુધી... આજથી બદલાશે આ 7 મોટા નિયમો, તમારા ખિસ્સા પર પડશે અસર!

4- ક્રેડિટ કાર્ડના નિયમોમાં ફેરફાર

HDFC બેન્કે યુટિલિટી ટ્રાન્ઝેક્શન પર રિવોર્ડ પોઈન્ટની લિમિટ નક્કી કરી છે, આ નિયમ 1લી સપ્ટેમ્બર એટલે કે આજથી લાગુ થઈ ગયો છે. આ હેઠળ કસ્ટમર આ ટ્રાન્જેક્શન્સ પર દર મહિને માત્ર 2,000 પોઈન્ટ્સ મેળવી શકે છે. એચડીએફસી બેન્ક થર્ડ પાર્ટી એપ દ્વારા શૈક્ષણિક પેમેન્ટ કરવા પર કોઈ રિવર્ડ આપશે નહીં.

IDFC ફર્સ્ટ બેન્ક સપ્ટેમ્બર 2024 થી ક્રેડિટ કાર્ડ્સ પર ચૂકવવાપાત્ર મિનિમમ રકમ ઘટાડશે. પેમેન્ટની તારીખ પણ 18થી ઘટાડીને 15 દિવસ કરવામાં આવશે. આ ઉપરાંત, 1 સપ્ટેમ્બર, 2024થી UPI અને અન્ય પ્લેટફોર્મ પર પેમેન્ટ માટે RuPay ક્રેડિટ કાર્ડનો ઉપયોગ કરનારા કસ્ટમરને અન્ય પેમેન્ટ સર્વિસ પ્રોવાઇડર્સના ક્રેડિટ કાર્ડનો ઉપયોગ કરતા સમાન રિવોર્ડ પોઈન્ટ્સ મળશે.

5- મોંઘવારી ભથ્થામાં વધારો થશે

કેન્દ્ર સરકાર સપ્ટેમ્બરમાં કર્મચારીઓ માટે મોટી જાહેરાત કરી શકે છે. એવી અપેક્ષા છે કે સરકાર કર્મચારીઓ માટે મોંઘવારી ભથ્થામાં 3 ટકાનો વધારો કરશે. હાલમાં સરકારી કર્મચારીઓને 50 ટકા મોંઘવારી ભથ્થું (DA) આપવામાં આવે છે, જ્યારે 3 ટકાના વધારા પછી તે 53 ટકા થઈ જશે.

6- ફ્રી આધાર અપડેટ

ફ્રી આધાર કાર્ડ અપડેટ કરવાની છેલ્લી તારીખ 14 સપ્ટેમ્બર નક્કી કરવામાં આવી છે. આ પછી, તમે આધાર સાથે સંબંધિત કેટલીક વસ્તુઓ મફતમાં અપડેટ કરી શકશો નહીં. 14 સપ્ટેમ્બર પછી આધાર અપડેટ કરવા માટે ફી ચૂકવવી પડશે. જો કે, અગાઉ મફત આધાર અપડેટની છેલ્લી તારીખ 14 જૂન 2024 હતી, જે વધારીને 14 સપ્ટેમ્બર 2024 કરવામાં આવી હતી.

7- વિશેષ એફડીમાં રોકાણ સંબંધિત નિયમો

IDBI બેન્કે 300 દિવસ, 375 દિવસ અને 444 દિવસની સ્પેશિયલ એફડીની મુદત 30 જૂનથી 30 સપ્ટેમ્બર સુધી લંબાવી છે. ઈન્ડિયન બેન્કે પણ 300 દિવસની સ્પેશિયલ એફડીની સમયમર્યાદા 30 સપ્ટેમ્બર સુધી લંબાવી છે. જ્યારે પંજાબ એન્ડ સિંધ બેન્કની સ્પેશિયલ એફડી માટેની અંતિમ તારીખ 30 સપ્ટેમ્બર છે. SBI અમૃત કલશ સ્પેશિયલ FD સ્કીમની અંતિમ તારીખ પણ 30 સપ્ટેમ્બર રાખવામાં આવી છે. એટલે કે સપ્ટેમ્બર પછી આ FD સ્કીમ્સમાં કોઈ રોકાણ નહીં થાય.