Home Loan prepayment: હોમ લોનની આ જાદુઈ ફોર્મ્યુલા સમજી લો, 30 વર્ષની લોન માત્ર 11 વર્ષમાં જ થઈ જશે પૂરી

Home Loan prepayment: દરેક મધ્યમવર્ગીય પરિવારનું સૌથી મોટું સપનું પોતાનું ઘર ખરીદવાનું હોય છે. આ સપનું પૂરું કરવા માટે મોટાભાગના લોકો બેંકમાંથી હોમ લોન લેતા હોય છે. સામાન્ય રીતે લોકો EMI ઓછો આવે તે માટે 30 વર્ષ જેવી લાંબા ગાળાની લોન લેતા હોય છે. પરંતુ શું તમને ખબર છે કે 30 વર્ષની લોનમાં તમારે લીધેલી રકમ કરતા બમણું તો માત્ર વ્યાજ ચૂકવવું પડે છે?

જો તમે થોડું સ્માર્ટ નાણાકીય આયોજન કરો, તો આ 30 વર્ષની લાંબી લોન તમે માત્ર 10 થી 11 વર્ષમાં પૂરી કરી શકો છો. ચાલો એકદમ સરળ ભાષામાં સમજીએ આ જાદુઈ ફોર્મ્યુલા શું છે.

EMI અને વ્યાજની માયાજાળ સમજો

ઘણા લોકોને એવું લાગતું હોય છે કે તેઓ જે EMI ભરે છે તેનાથી તેમની લોનની રકમ ફટાફટ ઓછી થઈ રહી છે, પણ વાસ્તવિકતા કંઈક અલગ જ છે. જો તમે 1 કરોડ રૂપિયાની હોમ લોન 30 વર્ષ માટે 7.5%ના વ્યાજ દરે લો છો, તો તમારો માસિક હપ્તો આશરે 69,921 રૂપિયા આવે છે. તમને જાણીને નવાઈ લાગશે કે શરૂઆતના વર્ષોમાં આ 69,921 રૂપિયામાંથી લગભગ 90% રકમ તો માત્ર વ્યાજમાં જ જતી રહે છે. તમારી મૂળ રકમમાંથી તો માત્ર 7,421 રૂપિયા જ કપાય છે.

શરૂઆતના 15 વર્ષ સુધી આજ સિલસિલો ચાલે છે. એટલે કે તમે માત્ર બેંકનું વ્યાજ જ ભરી રહ્યા છો. આ ગણતરી મુજબ 30 વર્ષના અંતે તમે 1 કરોડની લોન સામે 1.51 કરોડ રૂપિયા તો માત્ર વ્યાજ ચૂકવો છો. એટલે કે બેંકને કુલ 2.51 કરોડ રૂપિયા ચૂકવવા પડે છે.

નાની લોનમાં પણ મોટું નુકસાન

એક નાના ઉદાહરણથી સમજીએ. જો તમે માત્ર 1.50 લાખ રૂપિયાની લોન 30 વર્ષ માટે 7.50% ના દરે લો છો, તો તમારો માસિક હપ્તો 1,048.82 રૂપિયા આવશે. પણ 30 વર્ષ પછી જ્યારે તમે હિસાબ કરશો, ત્યારે તમે 2.27 લાખ રૂપિયાથી વધુ તો માત્ર વ્યાજ ચૂકવ્યું હશે! કુલ ચુકવણી 3,77,577.41 રૂપિયા થશે.