RBI Repo Rate: 50 લાખ રૂપિયાની હોમ લોન પર માસિક 788ની સેવિંગ, જાણો 20 અને 30 લાખ રૂપિયાની લોન પર કેટલી થશે બચત?

RBI Repo Rate: રિઝર્વ બેન્ક ઓફ ઈન્ડિયાના નવા ગવર્નર સંજય મલ્હોત્રાના નેતૃત્વમાં આ પહેલી પોલીસી હતી. તેમણે રેપો રેટ ઘટાડીને દેશને મોટી રાહત આપી છે. RBIએ રેપો રેટમાં 25 બેસિસ પોઈન્ટનો ઘટાડો જાહેર કર્યો છે, જેના કારણે રેપો રેટ હવે 6.50%થી ઘટીને 6.25% થઈ ગયો છે. રેપોમાં ઘટાડાને કારણે હવે તમામ પ્રકારની લોન સસ્તી થશે. ખાસ કરીને જેમની પાસે હોમ લોન છે તેમને મોટી રાહત મળવાની છે.

રેપો રેટમાં ઘટાડો કરતા પહેલા RBI ગવર્નર સંજય મલ્હોત્રાએ કહ્યું કે આ નિર્ણય અર્થતંત્ર અને ગ્લોબલ પરિસ્થિતિને ધ્યાનમાં રાખીને લેવામાં આવ્યો છે. દેશની અર્થવ્યવસ્થા મજબૂત છે અને કેન્દ્રીય બેન્ક તેને મજબૂત રાખવા માટે સતત કાર્યરત છે.

RBI વ્યાજ દર ઘટાડ્યા પછી EMI કેટલી થશે તે જાણો?

જો 25 બેસિસ પોઈન્ટનો ઘટાડો થાય તો EMI કેટલો થશે?

જો તમે 20 લાખ રૂપિયાની હોમ લોન લીધી હોય અને લોન પર વ્યાજ 8.5 ટકા હોય. જ્યારે મુદત 20 વર્ષ માટે છે, હાલમાં તમારો EMI રુપિયા 17,356 હશે. પરંતુ RBIના 25 બેસિસ પોઈન્ટના ઘટાડા બાદ, લોનનું વ્યાજ હવે 8.25 ટકા થશે. આ આધારે, તમારો EMI હવે ઘટીને 17,041 રૂપિયા થશે, એટલે કે, તમે દર મહિને 315 રૂપિયા બચાવી શકશો.

હવે 30 લાખ રૂપિયાની હોમ લોન પર આટલી EMI

બીજી તરફ, જો તમે 20 વર્ષ માટે 8.50 ટકાના વ્યાજ દરે 30 લાખ રૂપિયાની લોન લીધી હોય, તો તમારે દર મહિને 26,035 રૂપિયાનો EMI ચૂકવવો પડશે, પરંતુ RBI દ્વારા રેપો રેટમાં 25 બેસિસ પોઈન્ટનો ઘટાડો કર્યા પછી, આ માસિક EMI ઘટીને 25,562 રૂપિયા થઈ જશે. આ મુજબ, તમે દર મહિને લગભગ 473 રૂપિયા બચાવશો.