ફોન-પેનું નવું 'પ્રોટેક્ટ' ફીચર: ખોટા નંબર પર પૈસા જતા રહ્યાની ચિંતા હવે ભૂલી જાઓ, ઠગોને રોકશે આ સુરક્ષા કવચ

PhonePe Protect: ડિજિટલ પેમેન્ટના જમાનામાં દર મિનિટે નવા ફ્રોડના કિસ્સા સામે આવે છે, પણ હવે આ ચિંતા ઓછી થશે. ફોનપે કંપનીએ તાજેતરમાં 'PhonePe Protect' નામનું નવું સુરક્ષા ફીચર લોન્ચ કર્યું છે, જે યુઝર્સને ખોટા અથવા ફ્રોડ નંબર પર પૈસા મોકલવાથી બચાવશે. આ ફીચર ભારત સરકારના ડિપાર્ટમેન્ટ ઓફ ટેલિકોમ્યુનિકેશન્સ (DoT) દ્વારા ફ્લેગ કરાયેલા જોખમી નંબરોને ટાર્ગેટ કરે છે, જેથી UPI અને QR કોડ પેમેન્ટ વખતે તાત્કાલિક અલર્ટ મળે અથવા ટ્રાન્સફર બ્લોક થાય.

PhonePe Protect કેવી રીતે કામ કરે છે?

જ્યારે તમે કોઈ નંબર પર UPIથી પૈસા મોકલવાની કોશિશ કરશો, ત્યારે ફોનપેની ટેક્નોલોજી તરત જ તે નંબરને DoTના 'Financial Fraud Risk Indicator (FRI)' ડેટાબેઝ સામે તપાસે છે. આ ડેટાબેઝમાં નંબરોને ત્રણ કેટેગરીમાં વર્ગીકૃત કરવામાં આવ્યા છે.

Very High FRI: જો નંબર આ કેટેગરીમાં આવે, તો એપ્લિકેશન આપમેળે પેમેન્ટ બ્લોક કરી દેશે અને સ્ક્રીન પર "PhonePe Protect Transaction Blocked" જેવું સ્પષ્ટ મેસેજ બતાવશે. આનાથી કોઈ પણ અનિચ્છનીય ટ્રાન્સફર રોકાઈ જશે.

Medium FRI: આ કેસમાં એપ યુઝર્સને ચેતવણી આપશે, જેમ કે "આ નંબર પહેલાં ફ્રોડમાં જોવા મળ્યો છે, શું તમે આગળ વધવા માંગો છો?" તમે તમારા વિવેકથી હા કહીને આગળ વધી શકો છો, પણ આ અલર્ટ તમને સાવધાન કરશે.

આ ફીચર ફક્ત બ્લોકિંગ સુધી મર્યાદિત નથી; તે યુઝર્સને બ્લોકનું કારણ પણ સમજાવે છે, જેથી તમને સમજાય કે કેમ પેમેન્ટ રોકાઈ. આનાથી યુઝર્સમાં જાગૃતિ પણ વધે છે.

આ ફીચર કેમ મહત્વનું છે?