PNBની શાનદાર ઓફર: 666 દિવસની FD પર ગ્રાહકોને મળશે બમ્પર વ્યાજ, જાણો સંપૂર્ણ વિગત

PNB FD rates : પંજાબ નેશનલ બેંકના ગ્રાહકો માટે એક શાનદાર સમાચાર છે. જો તમે સુરક્ષિત રોકાણ કરીને સારો નફો કમાવવા માંગો છો, તો બેંકની ફિક્સ ડિપોઝિટ સ્કીમ તમારા માટે બેસ્ટ વિકલ્પ સાબિત થઈ શકે છે. ગ્રાહકોની સંખ્યાની દ્રષ્ટિએ સ્ટેટ બેંક ઓફ ઇન્ડિયા પછી PNB દેશની બીજી સૌથી મોટી સરકારી બેંક છે. હાલમાં PNB દ્વારા એક ખાસ 666 દિવસની FD સ્કીમ ચલાવવામાં આવી રહી છે, જેમાં ગ્રાહકોને આકર્ષક વ્યાજ મળી રહ્યું છે.

ઓછામાં ઓછા 7 દિવસ માટે ખોલાવી શકાય છે ખાતું

PNB માં તમે ઓછામાં ઓછા 7 દિવસ માટે સૌથી ટૂંકી મુદતની FD ખોલાવી શકો છો. આ ઉપરાંત, લાંબા ગાળાના રોકાણ માટે બેંક વધુમાં વધુ 10 વર્ષ સુધીની મુદત પણ ઓફર કરે છે. સામાન્ય રીતે આ સરકારી બેંક પોતાની અલગ-અલગ FD સ્કીમ્સ પર 3.00 ટકાથી લઈને 7.40 ટકા સુધીનું વ્યાજ આપી રહી છે.

666 દિવસની FD પર કોને કેટલું વ્યાજ મળશે?

જો તમે બેંકની પોપ્યુલર 666 દિવસની સ્કીમમાં રોકાણ કરવાનું વિચારી રહ્યા છો, તો જાણી લો કે અલગ-અલગ ઉંમરના ગ્રાહકો માટે વ્યાજદરો નીચે મુજબ છે.

સામાન્ય નાગરિકો (59 વર્ષ સુધી): બેંક દ્વારા 6.50 ટકા લેખે વ્યાજ આપવામાં આવી રહ્યું છે.

સિનિયર સિટીઝન (60 વર્ષથી વધુ): 60 વર્ષ કે તેથી વધુ ઉંમરના વડીલોને આ સ્કીમ પર 7.00 ટકા વ્યાજ મળી રહ્યું છે.