Tax Saving Options: માર્ચ મહિનો નજીક આવે એટલે નોકરિયાત વર્ગમાં ટેક્સ બચાવવાની દોડધામ શરૂ થઈ જાય છે. ઇન્કમ ટેક્સના નિયમો મુજબ, સેક્શન 80C હેઠળ રોકાણ કરીને તમે ટેક્સમાં રાહત મેળવી શકો છો. ખાસ કરીને જે લોકો ઇન્કમ ટેક્સની ‘ઓલ્ડ રિજીમ' (Old Regime) પસંદ કરે છે, તેમના માટે ટેક્સ સેવિંગ ફિક્સ્ડ ડિપોઝિટ, ELSS અને NSC જેવા અનેક વિકલ્પો ઉપલબ્ધ છે.
Tax Saving: ELSS કે NSC? ક્યાં રોકાણ કરવાથી થશે સૌથી વધુ ફાયદો? જાણો એક્સપર્ટનો અભિપ્રાય
Tax Saving Options: શું તમે ટેક્સ બચાવવા માટે રોકાણ કરવાનું વિચારી રહ્યા છો? ELSS અને NSC માંથી કયો વિકલ્પ તમારા માટે બેસ્ટ છે અને ક્યાં મળે છે વધુ રિટર્ન? અહીં જાણો બંને વચ્ચેનો તફાવત અને એક્સપર્ટની સલાહ.
MoneyControl Newsઅપડેટેડ Feb 11, 2026 પર 4:27 PM
પરંતુ સૌથી મોટો સવાલ એ થાય છે કે, પૈસા રોકવા ક્યાં? નેશનલ સેવિંગ્સ સર્ટિફિકેટ (NSC) અને મ્યુચ્યુઅલ ફંડની ટેક્સ સેવિંગ સ્કીમ (ELSS) બંને લોકપ્રિય છે. આ બંનેમાંથી કયો વિકલ્પ તમને સારા રિટર્નની સાથે ટેક્સ બચાવી આપશે? ચાલો જાણીએ એક ઉદાહરણ દ્વારા.
શું છે શ્વેતા જૈનનો સવાલ?
નોઈડામાં રહેતા 28 વર્ષીય શ્વેતા જૈને એક મહત્વનો પ્રશ્ન પૂછ્યો છે. તેઓ ઇન્કમ ટેક્સની ઓલ્ડ રિજીમમાં આવે છે અને આવનારા 10 વર્ષ માટે રોકાણ કરવા માંગે છે. તેમની મૂંઝવણ એ છે કે તેમણે ELSS (મ્યુચ્યુઅલ ફંડ) માં રોકાણ કરવું જોઈએ કે પછી સરકારી સ્કીમ NSCમાં? આ સવાલનો જવાબ જાણીતા ટેક્સ એક્સપર્ટ અને CA બલવંત જૈને આપ્યો છે.
લાંબા ગાળાના રોકાણ માટે કોણ બેસ્ટ?
CA બલવંત જૈનના જણાવ્યા મુજબ, રોકાણનો નિર્ણય તમારી જોખમ લેવાની ક્ષમતા અને સમયગાળા પર આધાર રાખે છે.
NSC (નેશનલ સેવિંગ્સ સર્ટિફિકેટ): આ એક ફિક્સ્ડ રિટર્ન સ્કીમ છે. અહીં તમે રોકાણ કરો તો 5 વર્ષ માટે તમને એક નિશ્ચિત વ્યાજદરે રિટર્ન મળે છે. આમાં જોખમ નહિવત હોય છે.
ELSS (ઇક્વિટી લિંક્ડ સેવિંગ્સ સ્કીમ): શ્વેતા જૈનનો ગોલ 10 વર્ષનો છે, જે લાંબો સમયગાળો ગણાય. આવા સમયે મ્યુચ્યુઅલ ફંડની ELSS સ્કીમમાં રોકાણ કરવું ફાયદાકારક સાબિત થઈ શકે છે. આ સ્કીમ શેરબજાર (ઇક્વિટી) સાથે જોડાયેલી હોવાથી, લાંબા ગાળે તે NSC કરતા ઘણું વધારે રિટર્ન આપી શકે છે.
લોક-ઇન પિરિયડ અને લિક્વિડિટીં
ELSSનો સૌથી મોટો ફાયદો એ છે કે તેમાં માત્ર 3 વર્ષનો લોક-ઇન પિરિયડ હોય છે (એટલે કે 3 વર્ષ સુધી પૈસા ઉપાડી શકાતા નથી). જ્યારે NSCમાં પૈસા 5 વર્ષ માટે બ્લોક થઈ જાય છે. જોકે, એક્સપર્ટ સલાહ આપે છે કે ELSS માંથી 3 વર્ષ પછી પૈસા ઉપાડી શકાય છે, પરંતુ જો તમને સારું રિટર્ન મળી રહ્યું હોય, તો રોકાણ ચાલુ રાખવું જોઈએ.
જો કોઈ વ્યક્તિ ઓછા સમય માટે એટલે કે 7 વર્ષથી ઓછા સમય માટે રોકાણ કરવા માંગતું હોય અને રિસ્ક લેવા ન માંગતું હોય, તો તેમના માટે NSC સારો વિકલ્પ છે. પરંતુ યુવાન વયના અને લાંબા ગાળાના રોકાણકારો માટે ELSS શ્રેષ્ઠ છે.
ટેક્સના નિયમો અને SIP નો ફાયદો
બંને સ્કીમમાં ટેક્સના નિયમો અલગ અલગ છે, જે તમારે ખાસ જાણવા જોઈએ:
SIP ની સુવિધા: ELSS માં તમે દર મહિને થોડી રકમ એટલે કે SIP (સિસ્ટમેટિક ઇન્વેસ્ટમેન્ટ પ્લાન) દ્વારા રોકાણ કરી શકો છો, જે નોકરિયાત વર્ગ માટે ખૂબ અનુકૂળ રહે છે.
ટેક્સ ઓન રિટર્ન: NSC માંથી મળતું વ્યાજ તમારી આવકમાં ઉમેરાય છે અને તમારે તમારા ટેક્સ સ્લેબ મુજબ ટેક્સ ભરવો પડે છે. જ્યારે ELSS માંથી મળતા લોંગ ટર્મ કેપિટલ ગેઇન્સ પર 12.5% ના દરે ટેક્સ લાગે છે.
રાહત: સારી વાત એ છે કે ELSS માં એક નાણાકીય વર્ષમાં 1.25 લાખ રૂપિયા સુધીના નફા (Long Term Capital Gains) પર કોઈ ટેક્સ લાગતો નથી.
જો તમારી ઉંમર ઓછી છે અને તમે 10 વર્ષ જેવા લાંબા ગાળા માટે રોકાણ કરવા માંગો છો, તો ELSS માં રોકાણ કરવું સમજદારીભર્યું પગલું ગણાશે. અહીં તમને મોંઘવારીને માત આપે તેવું રિટર્ન મળવાની શક્યતા વધુ છે.
પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ, Stock Tips, સમાચાર, પર્સનલ ફાઇનાન્સ અને બિઝનેસ સંબંધિત સમાચાર વાંચો. દૈનિક બજાર અપડેટ્સ માટે Moneycontrol App ડાઉનલોડ કરો.